________________
Shri Mahavir Jain Aradhana Kendra
merekobatim.org
Acharya Shri Kailashsagarseri Gyanmandir
भोमेयाणं कलसाणं सव्वोदएहिं सव्वमट्टियाहिं सव्वतुरेहिं सव्वपुप्फेहिं जाव सव्वोसहिसिद्धत्थएहिं सव्विड्ढीए सव्वजुत्तीए| सव्वबलेणं सव्वसमुदएणं सव्वायरेणं सव्वविभूतीए सव्वविभूसाए सव्वसंभमेणं सव्वोरोहे णं सव्वणाड एहिं सव्वपुष्पगंधमलालंकारविभूसाए सव्वदिव्वतुडियणिणाएणं महया २ जुत्तीए महया २ समुदएणं महता २ तुरियजमगसमगपडुप्पवादितरवेणं संखपणवपडहभेरिझलरिखरमुहिमुखमुयंगदुंदुहिहुडुक्कणिग्धोससंनिनादितरवेणं महता २ इंदाभिसेगेणं अभिसिंचंति, तए णं तस्स विजयस्स देवस्स महता २ इंदाभिसेगसि वट्टमाणंसि अप्पेगतिया देवा गच्चोदगं णातिमट्टियं पविरलपप्फुसियं दिव्वं सुरभिं रयरेणुविणासणं गंधोदगवासं वासंति, अप्पेगतिया देवा णिहतरयं णटुरयं भट्टरयं पसंतरयं उवसंतरयं करेंति अपे० विजयं रायहाणिं सम्भितरबाहिरियं आसितसम्मजितोवलितं सित्तसुइसम्मट्ठरत्यंतरावणवीहियं करेंति, अप्पे० विजयं रायहाणिं मंचातिमंचकलितं करेंति अपे० विजयं रायहाणिं णाणाविहरागरंजियऊसियजयविजयवेजयन्तीपडागातिपडागमंडितं करेंति, अपे० विजयं रायहाणिं लाउल्लोइयमहियं करेंति, अप्पे० गोसीससरसरत्तचंदणदहरदिण्णपंचंगुलितलं करेंति, अप्पे० उवुचियचंदणकलसं चंदणघडसुक्यतोरणपडिदुवारदेसभागं करेंति, अपे० आसत्तोसत्तविपुलववग्धारितमालदामकलावं करेंति, अपे० पंचवण्णसरससुरभिमुक्कपुष्पपुंजोक्यारकलितं करेंति, अप्पे० कालागुरुपवरकुंदुरुक्कतुरुवधूवडझंतमधमधेतगंधुधुयाभिरामं सुगंधवगंधियं गंधवट्टिभूयं ति, अपे० हिरण्णवासं वासंति अप्पे० सुवण्णवासं अपे० एवं स्यणावासं वइरवासं पुष्फवासं ॥ श्री जीवाजीवाभिगम् ॥
पू. सागरजी म. संशोधित
For Private And Personal
