________________
Shri Mahavir Jain Aradhana Kendra
www.kobatiram.org
Acharya Shri Kailashsagarsur Gyanmandir
|ताई गिण्हंति त्ता जेणेव समयखेत्ते जेणेव भरहेरवयातिं वासाई जेणेव मागधवरदामपभासाई तित्थाई तेणेव उवागच्छंति त्ता तित्थोदगं|| गिण्हंति त्ता तित्थमट्टियं गेण्हंति त्ता जेणेव गंगासिंधुरत्तारत्तवतीसलिला तेणेव उवागच्छंति त्ता सरितोदगं गेण्हंति त्ता उभओ तडमट्टियं |गण्हंति त्ता जेणेव चुलहिमवंतसिहरिवासधरपव्वा तेणेव उवागच्छंति त्ता सव्वतूवरे य सव्वपुष्फे य सव्वगंधे य सव्वमल्ले य सव्वोसहिसिद्धत्थए य गिण्हंति त्ता जेणेव पउमद्दहपुंडरीयदहा तेणेव उवागच्छंति त्ता दहोदगं गेण्हंति जाति तत्थ उप्पलाई जाव सतसहस्सपत्ताई ताई गेण्हंति त्ता जेणेव हेमवयहेरण्णवयाई जेणेव रोहियरोहितंससुवण्णकूलरुप्पकूलाओ तेणेव उवागच्छंति त्ता सलिलोदहगं गेण्हंति त्ता उभओ तडमट्टियं गिण्हंति त्ता जेणेव सहावातिमालवंतपरियागा वट्टवेतड्ढपव्वता तेणेव उवागच्छंति त्ता सव्वतूवरे य जाव सव्वोसहिसिद्धत्थए य गेण्हंति त्ता जेणेव महाहिमवंतरुप्पिवासघरपव्वता तेणेव उवागच्छंति त्ता सव्वपुष्फे तं चेव जेणेव महापउमदहमहापुंडरीयदहा तेणेव उवागच्छंति त्ता जाई तत्थ उप्पलाइं तं चेव जेणेव हरिवासरम्मावासे जेणेव हरकान्तहरिकंतणरकंतनारीकंताओ सलिलाओ तेणेव उवागच्छंति त्ता सलिलोदगं गेण्हंति त्ता जेणेव वियडावाइगंधावातिवट्टवेयड्ढपव्व्या तेणेव उवागच्छंति सव्वपुण्फे यतं चेव जेणेव णिसहनीलवंतवासहरपव्वता तेणेव उवागच्छंति सव्वतूयरे य तहेव जेणेव तिगिच्छिदहकेसरिदहा तेणेव उवागच्छंति त्ता जाई तत्थ उप्पलाई तं चेव जेणेव पुव्वविदेहावरविदेहवासाई जेणेव सीयासीओयाओ महाणईओ जहा गईओ जेणेव सव्वचक्वट्टिविजया. जेणेव सव्वमागहवरदामपभासाई तित्थाई तहेव जेणेव ॥ श्री जीवाजीवाभिगम् ॥
| १३४
पू. सागरजी म. संशोधित
For Private And Personal
