________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
भगवं महावीरं तिक्खुत्तो आयाहिणं प्याहिणं करेन्ति त्ता वंदति णमंसंति त्ता एवं व०-सुअक्खाए ण ते भंते! णिग्गंथे पावयणे जाव किमंग पुण इत्तो उत्तरतरं?, एवं वदित्ता जामेव दिसिं पाउब्भूआओ तामेव दिसिं पडिगयाओ, सभोसरणं, समत्तं ॥३७॥ तेणं कालेणं० समणस्स भगवओ महावीरस्स जेटे अंतेवासी इंदभूई नाम अणगारे गोयमसगोत्तेणं सत्तुस्सेहे समचरंससंठाणसंठिए वइरोसहनारायसंधयणे कणगपुलगनिधसपम्हगोरे उगतवे दित्ततवे तत्ततवे महातवे घोरतवे उराले घोरे घोरगुणे घोरतवस्सी घोरबंभचेखासी उच्छूढसरीरे संखित्तविउलतेअलेस्से समणस्स भगवओ महावीरस्स अदूरसामंते उड्ढंजाणू अहोसिरे झाणकोडोवगए संजमेणं तवसा अपाणं भावेमाणे विहरति, तए णं से भगवं गोअमे जायसड्ढे जायसंसए जायकोअहल्ले उप्पण्णसड्ढे उप्पण्णसंसए उप्पण्णकोउहल्ले संजायसड्ढे संजायसंसए संजायकोअहल्ले समुप्पण्णसड्ढे समुप्पण्णसंसए समुप्पण्णकोऊहल्ले उठाए उद्वेइ त्ता जेणेव समणे भगवं महावीरे तेणेव उवागच्छति त्ता समणं भगवं महावीरं तिक्खुत्तो आयाहिणं पयाहिणं करेति त्ता वंदति णमंसति त्ता णच्चासण्णे गाइदूरे सुस्सूसमाणे णभंसमाणे अभिमुहे विणएणं पंजलिउडे पजुवासमाणे एवं व०-जीवे णं भंते! असंजए अविरए अप्पडिहयपच्चक्खायपावकम्मे सकिरिए असंवुडे एगंतदंडे एगंतबाले एगंतसुत्ते पावकम्म अण्हाति?, हंता अण्हाति, जीवे णं भंते! असंजयअविश्यअपडिहयपच्चक्खायपावकम्मे सकिरिए असंवुडे एगंतदंडे एगंतबाले एगंतसुत्ने मोहणिज्जं पावकम्म अण्हाति?, हंता अण्हाति, जीवे णं भंते! मोहणिज कम वेदेमाणे मोहणिजं कम बंधइ अणिज कम्मं बंधइ ?, गोअमा! मोहणिजपि कम्म ॥ औपपातिकमुपांग ॥
पू. सागरजी म. संशोधित ||
For Private and Personal Use Only
