________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अभिगच्छति तं०-सच्चित्ताणं दव्वाणं विसरणयाए अचित्ताणं दव्वाणं अविसरणयाए एगसाडियउत्तरासंगकरणेणं चक्खुफासे|| अंजलिपग्गहेणं (चक्खुप्फासे हथिक्खंघविटुंभणयाए पा०) मणसो एगत्तीभावकरणेणं समणं भगवं महावीरं तिक्खुत्तो आयाहिणपयाहिणं करेइ त्ता वंदति णमंसति ना तिविहाए पजुवासणाए पज्जुवासइ तं०-काइयाए वाइयाए माणसियाए, काइयाए ताव संकुलइअग्गहत्थपाए सुस्सूसमाणे णमंसमाणे अभिमुहे विणएणं पंजलिउडे पजुवासइ वाइयाए जं जं भगवं वागरेइ एवमेअं भंते! तहमेयं भंते! अवितहमेयं भंते! असंदिद्धमेअंभंते! इच्छिअमेअंभंते! पडिच्छिअमेअंभंते! इच्छियपडिच्छियमेअंभंते! से जहेयं तुब्भे वदह अपडिकूलमाणे पजुवासति माणसियाए महया संवेगं जणइत्ता तिव्वधम्माणुरागरत्तो पजुवासइ १३२। तए णं ताओ सुभद्दापमुहाओ देवीओ अंतो अंतरंसि ण्हायाओ जाव पायच्छिताओ सव्वालंकारविभूसियाओ बहूहिं खुजाहिं चिलायाहिं वामणीहिं वडभीहिं बब्बरीहिं प्याउसियाहिं जोणिआहिं पण्हविआहिं इसिगिणिआहिं वासिइणिआहिंलासियाहिं लसियाहिं सिंहलीहिं दमिलीहिं आरबीहिं पुलंदीहिं पक्कणीहिं बहलीहिं मुरुंडीहिं सबरियाहिं पारसीहिं गाणादेसी (प्र.हि य) विदेसपरिमंडिआहिं इंगियचिंतियपत्थिय( मणोगतपा० )विजाणियाहिंसदेसणेवत्थगहियवेसाहिं चेडियाचकवालवरिसघरकंचुइज्जमहत्तरगवंदपरिक्खित्ताओ अंतेउराओ णिग्गच्छंति त्ता जेणेव पाडिएकपाडिएकाई जाणाई तेणेव उवागच्छन्ति त्ता पाडिएकपाडिएकाई जत्ताभिमुहाई जुत्ताई जाणाई दुरूहंति त्ता णिअगपरिआल सद्धि संपरिवुडाओ चंपाए णयरीए मझमझेणं णिग्गच्छंति त्ता जेणेव पुण्णभद्दे चेइए तेणेव || औपपातिकमुपांगं ॥
पू. सागरजी म. संशोधित
For Private and Personal Use Only
