________________
Shri Mahavir Jain Aradhana Kendra
www.kobatirth.org
कप्पियहार ऽद्धहार तिसर यपालंबलंबमाणक डिसुत्तयसुकसोहाभरणा पवरवत्थपरिहिया चंदणोलित्तगायसरीरा अप्पेगइआ हयगया एवं गयगया रहगया ( जाणजुग्गजंपाणगिल्लिथिल्लि०पा० ) सिबियागया संदभाणियागया अप्पेगइआ पायविहार चारिणो पुरिसवग्गुरापरिक्खित्ता (वग्गावग्गि गुम्मागुम्मिं पा० ) महया उक्किडिसीहणायबोलकलकलर वेणं पक्खुभि अमहासमुद्दर व भूतंपिवकरेमाणा (पायदद्दरेणं भूमिं कंपेमाणा अंबरतलमिव फोडेमाणा एगदिसिं एगाभिमुहा पा० ) चंपाए णयरीए मज्झंमज्झेणं णिग्गच्छंति त्ता जेणेव पुण्णभद्दे चेइए तेणेव उवागच्छंति ता समणस्स भगवओ महावीरस्स अदूरसामंते छत्ताईए तित्थयराइसेसे पासंति ता जाणवाहणाई ठावइंति (विटुब्भंति पा० ) ता जाणवाहणेहिंतो पच्चोरुहंति ना जेणेव समणे भगवं महावीरे तेणेव उवागच्छंति त्ता समणं भगवं महावीरं तिक्खुत्तो आयहिणं पयाहिणं करेंति ना वंदति णमंसंति त्ता णच्चासण्णे णाइदूरे सुस्सूसमाणा णमंसमाणा अभिमुहा विणएणं पंजलिउडा पज्जुवासंति (जाणाई मुयंति वाहणाई विसज्जेति पुण्फतंबोलाइयं आउहमाइयं सच्चित्तालंकारं पाहणाओ य एगसाडियं उत्तरासंगं, आयंता चोक्खा परमसुईभूया अभिगमेणं अभिगच्छंति, चक्खुप्फासे०, मणसा एगत्ति भावकरणेणं, सुसमाहिपसंतसाहरियपाणिपाया अंजलिमउलियहत्था, एवमेयं भंते! अवितहमेयं असंदिद्धमेयं इच्छियमेयं पडिच्छियमेयं इच्छियपडिच्छियमेयं सच्चे णं एसमट्ठे, माणसियाए तच्चित्ता तम्मणा तल्लेस्सा तयज्झवसिया तत्तिव्वज्झवसाणा तदम्पियकरणा तयट्ठोवउत्ता तब्भावणाभाविया एगमणा अणन्त्रमणा जिणवयणधम्माणुरागरत्तमणा वियसियवर कमलनयणवयणा, समोसरणाइं । औपपातिकमुपांगं ॥
पू. सागरजी म. संशोधित
२७
Acharya Shri Kailassagarsuri Gyanmandir
For Private and Personal Use Only
