________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सव्वोतभद्दपडिमं आयंबिलवद्धमाणं तवोकम्मं पडिवण्णा मासिअं भिक्खुपडिमं एवं दोमासिअं पडिमं तिमासिअं पडिमं जाव सत्तमासिअं भिक्खुपडिमं पडिवण्णा अप्पेगइया पढमं सत्तरइंदिअं भिक्खुपडिमं पडिवण्णा जाव तच्छं सत्तराइंदिअं भिक्खुपडिमं पविणा अहोराइंदिअं भिक्खुपडिमं पडिवण्णा इक्कराइंदिअं भिक्खुपडिमं पडिवण्णा सत्तसत्तमिअं भिक्खुपडिमं अट्ठट्ठमिअं भिक्खुपडिमं णवणवमिअं भिक्खुपडिमं दसदसमिअं भिक्खुपडिमं खुड्डियं मोअपडिमं पडिवण्णा महल्लियं मोअपडिमं पडिव्वणा जवमज्झं चंदपडिमं पडिवण्णा वइरमज्झं चंदपडिमं विवेगपडिमं विउस्सग्गपडिमं उवहाणपडिमं पडिसंलीणपडिमं पडिवण्णा संजमेणं तवसा अप्पाणं भावेमाणा विहरंति । १५ । तेणं कालेणं समणस्स भगवओ महावीरस्स अंतेवासी बहवे थेरा भगवंतो जातिसंपण्णा कुलसंपण्णा बलसंपण्णा रुवसंपण्णा विणयसंपण्णा णाणसंपण्णा दंसणसंपण्णा चरितसंपण्णा लज्जासंपण्णा लाधवसंपण्णा ओअंसी तेअंसी वच्चंसी जसंसी जिअकोहा जियमाणा जिअमाया जिअलोभा जिअइंदिया जिअणिद्दा जिअपरी सहा जीविआसमरणभयविष्पमुक्का वयष्पहाणा गुणप्पहाणा करणष्पहाणा चरणष्पहाणा णिग्गहप्पहाणा निच्छयप्पहाणा अज्जवप्पहाणा मद्दवष्पहाणा लाधवप्पहाणा खंतिप्पहाणा मुत्तिष्पहाणा विज्जापहाणा मंतष्पहाणा वेअप्पहाणा बंभप्पहाणा नयप्पहाणा नियमप्पहाणा सच्चष्पहाणा सोअप्पहाणा चारुवण्णा लज्जा(ज्जू) त्वस्सी जिइंदिआ सोही अणियाणा अप्पुस्सुआ अबहिल्लेसा अप्पडिलेस्सा सुसामण्णरया दंता (बहूणं आयरिया बहूणं उवज्झाया बहूणं दीवा ताणं सरणं गई पड़ट्ठा पा० ) इणमेव णिग्गंथं पावयणं पुरओ । औपपातिकमुपांगं ॥
१३
पू. सागरजी म. संशोधित
For Private and Personal Use Only
