________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandie
||अपत्थियपत्थिया० जइ णं तुम अज्ज जाव ववरोविज्जसि, तए णं से कामदेवे समणोवासए तेणं देवेणं दोच्चंपि तच्चपि एवं वुत्ते|| समाणे अभीए जाव धम्मझाणोवगए विहरइ, तए णं से देवे पिसायरुवे कामदेवं समणोवासयं अभीयं जाव विहरमाणं पासइ त्ता आसुरूते० तिवलियं भिउडिं निडाले साहट्ट कामदेवं समणोवासयं नीलुप्पल जाव असिणा खण्डाखण्डिं करेइ, तए णं से कामदेवे समणोवासए तं उज्जलं जाव दुरहियासं वेयणं सम्मं सहइ जाव अहियासेइ। २० तए णं से देवे पिसायरुवे कामदेवं समणोवासयं अभीयं जाव विहरमाणं पासइ त्ता जाहे नो संचाएइ कामदेवं समणोवासयं निग्गन्थाओ पावयणाओ चालित्तए वा खोभित्तए वा विपरिणामित्तए वा ताहे सन्ते तन्ते परितन्ते सणियं सणियं पच्चोसक्कइ त्ता पोसहसालाओ पडिणिक्खभइ त्ता दिव्वं पिसायरूवं विष्पजहइत्ता एगं महं दिव्वं हथिरुवं विउव्वइ, सत्तङ्गपइट्ठियं सम्भसंडियंसुजायं पुरओ उदग्गं पिठुओ वराहं अयाकुच्छि अलम्बकुच्छि पलम्बलम्बोदरावरकर अब्भुग्गयमउलमल्लियाविमलधवलदन्तं कञ्चकोसीपविट्ठदन्तं आणाभियचावललियसंवल्लियग्गसोण्ड कुम्मपडिपुण्णचलणं वीसइनक्खं अल्लीणपमाणजुत्तपुच्छं मत्तं मेहमिव गुलगुलेन्तं मणपवणजइणवेगं दिव्वं हत्थिरूवं विउव्वइ त्ता जेणेव पोसहसाला जेणेव कामदेवे समणोवासए तेणेव उवागच्छइ त्ता कामदेवं समणोवासयं एवं व०-हंभो कामदेवा समणोवासया! तहेव भणइ जाव न भज्जेसि तो तं अज अहं सोण्डए गिण्हामि त्ता पोसहसालाओ नीणेमि त्ता उड्डे वेहासं उव्विहामि त्ता तिक्खेहि दंतमुसलेहिं पडिच्छामि त्ता अहेधरणितलंसि तिक्खुत्तो पाएसुलोलेमि जहाणं तुझं अट्टदुहट्टक्सट्टे अकाले चेव जीवियाओ ववरोविज्जसि, ॥ उपासकदशांगं सूत्र
पू. सागरजी म. संशोधित
For Private And Personal
