________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| पायग्गहणं करेति जहामेहस्स तहा चेव णिवेयणा जाहे नो संचाएति विसयाणुलोमाहि य विसयपडिकूलाहि य बहूहिं आघवणाहि य| पत्रवणाहि य सत्रवणाहि य विष्णवणाहि य आघवित्तए वा ४ ताहे अकामिया चेव थावच्चापुत्तदारगस्स निक्खमणमणुमन्त्रित्था, नवरं निक्खमणाभिसेयं पासामो, नए णं से थावच्चापुत्तेतुसिणीए संचिट्ठा, तते णं सा थावच्चा आसणाओ अब्भुट्टेति २ महत्थं महग्धं | महरिहं रायरिहं पाहुडं गेण्हति त्ता मित्त जाव संपरिवुडा जेणेव कण्हस्स वासुदेवस्स भवणवरपडिदुवारदेसभाए तेणेव उवागच्छति ता | पडिहारदेसिएणं मग्गेणं जेणेव कण्हे वासुदेवे तेणेव उवागच्छति ता करयल० वृद्धावेति ता तं महत्थं महग्धं महरिहं रायरिहं पाहुडं उवणेइ त्ता एवं वदासी एवं खलु देवाणुप्पिया ! मम एगे पुत्ते थावच्चापुत्ते नामं दारए इट्ठे जाव से णं संसार भयउव्विग्गे इच्छति अरहओ | अरिट्ठनेमिस्स जाव पव्वतित्तए, अहण्णं निक्खमणसक्कारं करेमि इच्छामि णं देवाणुपिया ! थावच्चापुत्तस्स निक्खममाणस्स छत्तमउडचामराओ य विदिनाओ, तते णं कण्हे वासुदेवे थावच्चागाहावतिणीं एवं वदासी अच्छाहि णं तुमं देवाणुम्पिए! सुनिव्वुया वीसत्था, अहण्णं सयमेव थावच्चापुत्तस्स दारगस्स निक्खमणसक्कारं करिस्सामि, तते णं से कण्हे वासुदेवे चाउरंगिणीए सेणाए विजयं हत्थिरयणं दुरूठे समाणे जेणेव थावच्चाए गाहावतिणीए भवणे तेणेव उवागच्छति ता थावच्चापुत्तं एवं वदासी मा णं तुमे देवाणुपिया ! मुंडे भवित्ता पव्वयाहि, भुंजाहि णं देवाणुपिया ! विउणे माणुस्सर कामभोए मम बाहुच्छायापरिग्गहिए, केवलं ||देवाणुप्पियस्स अहं णो संचाएमि वाउकायं उवरिमेणं गच्छमाणं निवारित्तए, अण्णे णं देवाणुप्पियस्स जे किंचिवि आबाहं वा वाबाहं
॥ श्रीज्ञाताधर्मकथाङ्गम् ॥
पू. सागरजी म. संशोधित
८३
For Private And Personal
