________________
Shri Mahave Jain Aradhana Kendra
www.kobatirth.org
Acharya Shri Kalashsagarsur Gyarmandir
गमणाए पा०) उवागच्छइ त्ता धारणी देवी ओलुग्गं ओलुग्गसरीरं जाव अट्टझाणोवगयं झियायमाणिं पासइत्ता एवं वदासी किन्नं तुमे|| देवाणुप्पिए ! ओलुग्गा ओलुग्गसरीरा जाव अट्टझाणोवगया झियायसि ?, तते णं सा धारणी देवी सेणिएणं रन्ना एवं वुत्ता सभाणी नो आढाइ जाव तुसिणीया संचिति, तते णं से सेणिए राया धारिणी देवीं दोच्चंपि तच्चपि एवं वदासी किन्नं तुमे देवाणुप्पिए ! ओलुग्गा जाव झियायसि?, तते णं सा धारिणीदेवी सेणिएणं स्ना दोच्चंपि तच्चपि एवं वुत्ता समाणी णो आढाति णो परिजाणाति तुसिणीया संचिठ्ठइ, तते णं सेणिए राया धारणिं देविं सवहसावियं करेइ त्ता एवं वयासी किण्णं तुमे देवाणुप्पिए ! अहमेयस्स अट्ठस्स अणरिहे सवणयाए ? ता णं तुमं ममं अयमेयारुवं मणोमाणसियं दुक्खं रहस्सीकरेसि, तते णं सा धारिणीदेवी सेणिएणं रना सवहसाविया समाणी सेणियं रायं एवं वदासी एवं खलु सामी ! मम तस्स उरालस्स जाव महासुमिणस्स तिण्हं मासाणं बहुपडिपुत्राणं अयमेयारुवे अकालमेहेसु दोहले पाउब्भूए धनाओणं ताओ अभ्भयाओ कयत्थाओ णं ताओ अभ्मयाओ जाव वेभारगिरिपायमूलं आहिंडमाणीओ डोहलं विणिंति, तंजइ णं अहमवि जाव डोहलं विणिजामि, त्ते णं हं सामी ! अयमेयारुवंसि अकालदोहलंसि अविणिजमाणंसि ओलुग्गा जाव अट्टन्झाणोवगया झियायामि, एएणं अहं कारणेणं साभी ! ओलुग्गा जाव अदृझाणोवगया झियायामि, तते णं से सेणिए राया धारणीए देवीए अंतिए एयमटुं सोच्चा णिसम्म धारिणिं देविंएवं वदासीमाणं तुभं देवाणुप्पिए ! ओलुग्गा जाव झियाहि, अहं गंतहा जत्तिहामि (करिस्सामिपा०) जहाणं तुब् अयमेयारुवस्स अकालदोहलस्समणोरहसंपत्ती भविस्सइत्तिकटु धारिणी ॥श्रीजाताधकथाङ्गम् ॥
| ५. सागरजी म. संशोधित |
For Private And Personal
