________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
य कटकम्माणिय पोत्थकम्माणि चित्त० लिप्य० गंथिमवेढिमपूरिमसंघातिम० उवदंसिज्जमाणाई २ चिटुंति, तत्थणं बहूणि आसणाणि|| य सयणाणि य अत्थुयपच्चत्थुयाई चिटुंति, तत्थ णं बहवे णडा य जाव णट्टा य जाव दिन्नभइभत्तवेयणा तालायरकम्मं करेमाणा विहरंति० रायगिहविणिग्गओ य जत्थ बहू जणो तेसु पुव्वन्त्थेसु आसणसयणेसु संनिसनो य संतुयट्टो य सुणमाणो य पेच्छमाणो य साहेमाणो य सुहंसुहेणं विहरइ, तते णं गंदे दाहिणिल्ले वणसंडे एगं महं महाणससालं करावेति अणेगखंभ० जाव रुवं तत् णं बहवे पुरिसा दिनभइभत्तवेयणा विपुलं असणं० उवक्खडेंति बहूणं समणमाहणअतिहीकिवणवणीमगाणं परिभाएमाणा २ विहरंति, ततेणं णंदे मणियारसेट्ठी पच्चस्थिभिल्ले वणसंडे एगं महं तेगिच्छियसालं क्रेति, अणेगखंभस्य० जाव रूवं, तत्थ णंबहवे वेज्जाय वेजपुत्ता य जाणुयाय जाणुयपुत्ता य कुसला य कुसलपुत्ता य दिन्नभइभत्तवेयणा बहूणं वाहियाणं गिलाणाण य रोगियाण य दुब्बलाण य तेइच्छकम्मं करेमाणा विहरंति, अण्णे य एत्थ बहवे पुरिसा दिन्न० तेसिं बहूणं वाहियाण य रोगि० गिला० दुब्बला० ओसहभेसज्जभत्तपाणेणं पडियारकम्म करेमाणा विहरंति, तते णंणंदे उत्तरिल्ले वणसंडे एगं महं अलंकारियसभं करेति अणेगखंभसत० जाव पडिरुवं, तत्थ णं बहवे अलंकारियपुरिसा दिन्नभइभत्त० बहूणं सभणाण य अणाहाण य गिलाणाण य रोगि० दुब्ब० अलंकारियकम्मं करेमाणा २ विहरंति। तते णं तीए गंदाए पोक्खरिणीए बहवे सणाहा य अणाहा यं पंथिया य पहिया करोडिया कारवा० तणहार० पत्त० कट्ठ० अप्पेगतिया पहायंति अप्पेगतिया पाणियं पियंति अप्पेगतिया पाणियं संवहंति अप्पे० || ॥ श्रीज्ञाताधर्मकथाङ्गम् ॥
पू. सागरजी म. संशोधित
१६६
For Private And Personal
