________________
Shri Mahavir Jain Aradhana Kendra
www.kobatirth.org
Acharya Shri Kallashsagarsuri Gyanmandir
पुहुत्तेणं जीवा मणुस्सावि पढमावि अपढमावि, सिद्धा पढमा नो अपढमा, गाणी एगत्तपुहुत्तेणं जहा सम्भदिट्ठी आभिणिबोहियनाणी|| जाव मणपज्जवनाणी एगत्तपुहुत्तेणं एवं चेव नवरं जस्स जं अस्थि, केवलनाणी जीवे मणुस्से सिद्धे य एगत्तपुहुत्तेणं पढमा नो अपढमा, अनाणी मइअनाणी सुयअनाणी विभंगनाणी य एगत्तपुहुत्तेणं जहा आहारए, सजोगी मणजोगी वयजोगी कायजोगी एगत्तपुहत्तेणं जहा आहारए नवरं जस्स जो जोगो अस्थि, अजोगी जीवमणुस्ससिद्धा एगत्तपत्तेणं पढमा नो अपढमा, सागारोवउत्त। अणागारोवउत्ता एगत्तपुहुत्तेणं जहा अणाहारए, सवेदगो जाव नपुंसगवेदगो एगत्तपुहुत्तेणं जहा आहारए नवरं जस्स जोवेदो अत्थि, अवेदओ एगत्तपुहुत्तेणं तिसुवि पदेसु जहा अकसायी, ससरीरी जहा आहारए एवं जाव कम्मगसरीरी, जस्स जं अस्थि सरीरं, नवरं आहारगसरीरी एगत्तपुहुत्तेणं जहा सम्मदिट्ठी, असरीरी जीवो सिद्धो एगत्तपुहुत्तेणं पढमा नो अपदमा, पंचहिं पजत्तीहिं पंचहिं अपज्जत्तीहिं एगत्तपुहुत्तेणं जहा आहारए, नवरं जस्स जा अस्थि जाव वेमाणिया नो पढमा अपढमा, इमा लक्खणगाहा जो जेण पत्तपुव्वो भावो सो तेण अपढमओ होइ। पढभो अपत्तपुव्वेसु भावेसु ॥७९॥ जीवे णं भंते! जीवभावणं किं चरिमे अचरिमे?, गोयमा! नो चरिमे अचरिमे, नेरइए णं भंते! नेरइयभावेणं पुच्छा, गोयमा! सिय चरिमे सिय अचरिमे, एवं जाव वेमाणिए, सिद्धे जहा जीवे, जीवाणं पुच्छा, गोयमा! नो चरिमा अचरिमा, नेरझ्या चरिमावि अचरिमावि, एवं जाव वेमाणिया, सिद्धा जहा जीवा, आहरए सव्वत्थ एगत्तेणं सिय चरिमे सिय अचरिमे पुहुत्तेणं चरिमावि अचरिमावि, अणाहारओ जीवो सिद्धो य एगत्तेणवि पुत्तेणवि नो चरिमे अचरिमे, सेसहाणेसु एगत्तपुहुत्तेणं जहा ॥ श्रीभगवती सूत्र॥
| पू. सागरजी म. संशोधित
For Private And Personal
