________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
||जीवाणं सरीरंगा किं संठिया पं०?, गोयमा! दुविहा पं० २० - भवधारणिज्जा य उत्तवेउब्विया य, तत्थ णं जे ते भवधारणिज्जा ते समचउरंससंठिया तत्थ णं जे ते उत्तरवेव्विया ते णाणासंठाणसंठिया लेस्साओ चत्तारि दिट्ठी तिविहावि तिन्नि णाणा नियमं तिन्नि अन्नाणा भयणाए जोगो तिविहोऽवि उवओगो दुविहोऽवि चत्तारि सन्नाओ चत्तारि कसाया पंच समुग्धाया वेयणा दुविहावि इथिवेदगावि पुरिसवेयगावि णो णपुंसगवेयगा ठिती जहन्नेणं दसवाससहस्साई उक्कोसेणं सातिरेगं सागरोवमं अझवसाणा असंखेज्जा पसत्थावि अप्पसत्थावि अणुबंधो जहा ठिती भवादेसेणं दो भवगहणाई कालादेसेणं जह० दसवाससह० अंतोमुत्तममहियाई उक्कोसेणं सातिरेगं सागरोवमं बावीसाए वाससहस्सेहिं अब्भहियं एवतियं०, एवं णववि गमाणेयव्वा न मझिलएसु पच्छिल्लएसु तिसु गमएसु असुरकुमाराणं ठिइविसेसो जाणियव्वो सेसा ओहिया चेव लद्धी कायसंवेहं च जाणेजा सव्वत्था दो भवगहाई जाव णवमगमए कालादेसेणं जह० सातिरेगं सागरोवमं बावीसाए वाससहस्सेहिम्ब्भहियं उक्कोसेणवि सातिरेगं सागरोवमं बावीसाए वाससहस्सेहि अब्भहियं एवतियं०, णागकुमाराणं भंते ! जे भविए पुढविक्काइए० एस चेव वत्तव्वया जावभवादेसोत्ति णवरं ठिती जह० दसवाससहस्साई उक्कोसेणं देसूणाई दो पलिओवमाई, एवं अणुबंधोऽवि, कालादे० जह० दसवाससह० अंतोमुत्तममहि० उक्को० देसूणाई दो पलिओवभाई बावीसाए वाससहस्सेहिं अब्भहियाई एवंणववि गमगा असुरकुमारगमगसरिसा नवरं ठिती कालादेसंच जाणेजा, एवं जाव थणियकुमाराणं, जइ वाणमंतरेहिंतो उववजति किं पिसायवाणमंतरजावगंधव्ववाणमंतर०?, गोयमा! पिसायवाणमंतर॥ ॥ श्रीभगवती सूत्रं ॥
पू. सागरजी म. संशोधित
For Private And Personal
