________________
Shri Mahavir Jain Aradhana Kendra
www.kobetirth.org
Acharya Shri Kailassagarsuri Gyanmandir
जेणेव देवाणंदा माहणी तेणेव उवागच्छति त्ता देवाणंदं माहणिं एवं व्यासी एवं खलु देवाणुप्पिए ! समणे भगवं महावीरे आदिगरे|| जाव सव्वन्नू सव्वदरिसी आगासगएणं चक्केणं जाव सुहंसुहेणं विहरमाणे बहुसालए चेइए अहापडिरूवं जाव विहरति, तं महाफल खलु देवाणुप्पिए! तहारूवाणं अरिहंताणं भगवंताणं नामगोयस्सवि सवणयाए किमंग पुण अभिगमणवंदणनमंसणपडिपुच्छणपज्जुवासणयाए ?, एगस्सवि आयरियस धम्मियस्स सुक्यणस्स सवणयाए किमंग पुण विउलस्स अट्ठस्स गहणयाए ?, तं गच्छामोणंदेवाणप्पिए ! समणं भगवं महावीरं वंदामो नमसामो जाव पज्जवासामो, एयण्ण इहभवे य परभवे य हियाए सुहाए खमा निस्सेयसाए आणुगामियत्ताए भविस्सइ, तए णं सा देवाणंदा माहणी उसभदत्तेणं माहणेणं एवं वुत्ता समाणी हट्ठजावहियया करयलजावकटु उसमदत्तस्स माहणस्स एयभट्ट विणएणं पडिसुणेइ, तए णं से उसमदत्ते माहणे कोडुंबियपुरिसे सद्दावेइ त्ता एवं वयासी खिप्पामेव भो देवाणुप्पिया ! लहुकरणजुत्तजोइयसमखुर वालिहाणसमलिहियसिंगेहिं जंबूणयामयकलावजुत्तपरिविसिटेहिं रययामयघंटासुत्तरज्जुयपवरकंचणनथपगहोग्गहियएहिं नीलुप्पलक्यामेलएहिं पवरगोणजुवाणएहिं नाणामणिश्यणघंटियाजालपरिगयं सूजायजुगजोत्तरज्जुयजुगपसत्थसुविरचितनिम्मियं पवलक्खणोववेयं धम्मियं जाणप्पवरं जुत्तामेव उवट्ठवेह त्ता मम एयमाणत्तियं पच्चप्पिणह, तए णं ते कोडुबियपुरिसा उसभदत्तेणं माहणेणं एवं वुत्ता सभाणा हट्ठजावहियया कयल० एवं सामी ! तहत्ति आणाए विणएणं क्यणं जाव पडिसुणेत्ता खियामेव लहुकरणजुत्त० जावधम्मियं जाणप्पवरं जुत्तामेव उवट्ठवेत्ता जाव तमाणत्तियं पच्चपिणंति, ॥ श्रीभगवती सूत्र ॥
पू. सागरजी म. संशोधित
For Private And Personal Use Only
