________________
Shri Mahavir Jain Aradhana Kendra
www.kobetirth.org
Acharya Shri Kailassagarsuri Gyanmandir
| हंता गोयमा! पव्वावेज वा मुंडावेज वा, तस्सणं भंते! सिस्सावि पव्वावेज वा मुंडावेज वा?, हंता पव्वावेज वा मुण्डावेज वा, तस्स/
णं भंते! पसिस्सावि पव्वावेज वा मुंडावेज वा ?, हंता पव्वावेज वा मुंडावेज वा, सेणं भंते ! सिज्झति बुज्झति जाव अंतं करेइ?, हंता सिन्झइ बुज्झइ जाव अंतं करेइ, तस्सणं भंते ! सिस्सावि सिझंति जाव अंतं करेन्ति ?, हंता सिझंति जाव अंतं करेन्ति, तस्सणं भंते! पसिस्मावि सिझंति जाव अंतं करेन्ति, एवं चेव जाव अंतं करेन्ति, से णं भंते ! किं उड्ढे होजा जहेव असोच्चाए जाव तदेकदेसभाए होजा, ते णं भंते ! एगसमएणं केवतिया होजा?, गोयमा ! जहन्नेणं एको वा दो वा तिन्नि वा उक्कोसेणं अट्ठसयं, से तेणटेणं गोयमा ! एवं वुच्चइ सोच्चाणं केवलिस्स वा जाव केवलिउवासियाए वा जाव अत्थेगतिए केवलनाणं उप्याडेजा अत्थेगइए नो केवलनाणं उप्याडेजा सेवं भंते ! २ त्ति । ३६९ ॥श०९ ३० ३१ ॥
तेणं कालेणं० वाणियगामे नगरे होत्था वत्रओ, दूतिपलासे चेइए, सामी समोसढे, परिसा निग्गया, धम्मो कहिओ, परिसा पडिगया, तेणं कालेणं० पासावच्चिजे गंगेए नामं अणगारे जेणेव समणे भगवं महावीरे तेणेव उवागच्छइ त्ता समणस्स भगवओ महावीरस्स अदूरसामंते ठिच्चा समणं भगवं महावीरं एवं क्यासी संतरं भंते ! नेरइया उववजति निरंतरं नेरइया उववजति ?, गंगेया! संतरंपि नेरइया उव्वजति निरंतरंपि नेरइया उववजंति, संतरं भंते ! असुरकुमारा उवव्वजति निरंतरंपि असुरकुमारा उववजति ?, गंगेया! संतरंपि असुरकुमारा उववज्जति निरंतरपि असुरकुमारा उववजंति, एवं जाव थणियकुमारा, संतरं भंते! पुढवीकाइया उववजति | ॥श्रीभगवती सूत्रं ॥
पू. सागरजी म. संशोधित
For Private And Personal Use Only
