________________
Shri Mahavir Jain Aradhana Kendra
www.kobatirth.org
|णालंदाबाहिरियं मज्झंझेणं जेणेव रायगिहे नगरे तेणेव उवा० त्ता रायगिहे नगरे उच्चनीय जाव अडमाणे विजयस्स गाहावइस्स गिहं | अणुपविट्ठे, तए णं से विजए गाहावती ममं एजमाणं पासति ता हट्टतुट्ट० खिप्पामेव आसणाओ अब्भुट्ठेइ त्ता पायपीढाओ पच्चोरुहइ त्ता पाउयाओ ओमुयइ त्ता एगसाडियं उत्तरासंगं करेति ता अंजलिमउलियहत्थे ममं सत्तट्ठ पयाई अणुगच्छइ ता ममं तिक्खुत्तो आयाहिणपयाहिणं करेति त्ता ममं वंदति नम॑सति ता ममं विउलेणं असणपाणखाइमसाइमेणं पडिला भेस्सामित्तिकट्टु तुट्ठे पडिलाभमाणेऽवि पडिला भेमाणेऽवि तुट्टे, तए णं तस्स विजयस्स गाहावइस्स तेणं दव्वसुद्धेणं दायगसुद्धेणं पडिगाहगसुद्धेणं तिविहेणं तिकरणसुद्धेणं दाणेणं मए पडिलाभिए समाणे देवाउए निबद्धे संसारे परितीकए, गिहंसि य से इमाई पंच दिव्वाई पाउब्याई तं० - वसुधारा वुट्ठा दसद्धवन्ने कुसुमे निवातिए चेलुक्खेवे कए आहयाओ देवदुंदुभीओ अंतरावि य णं आगासे अहो दाणे रत्ति घुट्टे, तः णं रायगिहे नगरे सिंघाडगजावपहेसु बहुजणो अन्नमन्नस्स एवमाइक्खड़ जाव एवं परूवेइ धन्ने णं देवाणुप्पिया! विजए गाहावती कयत्थे णं देवाणुप्पिया! विजये गाहावई कयपुन्ने णं देवाणुपिया ! विजए गाहावई कयलक्खणे णं देवाणुप्पिया ! विजये गाहावई कया णं लोया देवाणुप्पिया! | विजयस्स गाहावइस्स सुलद्धे णं देवाणुम्पिया ! माणुस्सए जम्मजीवियफले विजयस्स गाहावइस्स जस्स णं गिहंसि तहारूवे साधु साधुरूवे पडिलाभिए समाण इमाई पंच दिव्वाई पाउब्भ्याई तं० - वसुधारा वुट्ठा जाव अहो दाणे २ घुट्टे, तं धन्ने कयत्थे कयपुत्रे कयलक्खणे कया णं लोया सुलद्धे माणुस्सए जम्मजीवियफले विजयस्स गाहावइस्स २, नए णं से गोसाले मंखलिपुत्ते बहुजणस्स
॥ श्रीभगवती सूत्रं ॥
पू. सागरजी म. संशोधित
२०७
Acharya Shri Kailassagarsuri Gyanmandir
For Private And Personal Use Only
