________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
धूमप्पभाए पुढवीए नेरइएहिंतो महाकम्मतरा चेव० नो तहा अप्पकम्मतरा चेव० अप्पढियतरा बेव० नो तहा महढियतरा चेव०, पंचमाए णं धूमप्पभाए पुढवीए तित्रि निरयावाससयसहस्सा पं०, एवं जहा छट्ठी भणिया एवं सत्तवि पुढवीओ परोप्परं भण्णंति जाव रयणष्पभंति जाव नो तहा महढियतरा चेव० अप्पजुत्तियरा चेव । ४७४ । रयणप्पभापुढवीनेरइया णं भंते! केरिसयं पुढवीफासं पच्चणुभवमाणा विहरंति?, गोयमा ! अणिट्ठं जाव अमणामं एवं जाव अहेसनमापुढवीनेरइया, एवं आउफासं एवं जाव वणस्सइफासं १४७५ । इमा णं भंते! रयणप्पभा पुढवी दोच्चं सक्करम्पभं पुढवीं पणिहाय सव्वमहंतिया बाहल्लेणं सव्वखुडिड्या सव्वंतेसु एवं जहा जीवाभिगमे बितिए नेरइयउद्देसए ।४७६ । इमीसे णं भंते! रयणप्पभाए पुढवीए णिरयपरिसामंतेसु जे पुढविक्वाइया एवं जहा नेरइयउद्देसए | जाव अहे सत्तमाए (४७७] कहिं णं भंते! लोगस्स आयाममज्झे पं०?, गोयमा ! इमीसे णं रयणप्पभाए उवासंतरस्स असंखेज्जतिभागं ओगाहेत्ता एत्थ णं लोगस्स आयाममज्झे पं०, कहिं णं भंते! अहेलोगस्स आयाममज्झे पं०?, गोयमा ! चउत्थीए पंकष्पभाए पुढवीए उवासंतरस्स सातिरेगं अद्धं ओगाहित्ता एत्थ णं अहेलोगस्स आयाममज्झे पं०, कहिं णं भंते! उड्ढलोगस्स आयाममज्झे पं०?, गोयमा ! उष्पिं सणकुमारमाहिंदाणं कप्पाणं हेट्ठि बंभलोए कप्पे रिट्ठविभाणे पत्थडे एत्थ णं उड्ढलोगस्स आयाममज्झे पं०, कहिनं भंते ! तिरियलोगस्स आयाममझे पं०?, गोयमा ! जंबुद्दीवे २ मंदरस्स पव्वयस्स बहुमज्झदेसभाए इमीसे रयणप्पभाए पुढवीए उवरिमहेट्ठिल्लेसु खुड्डागपयरेसु एत्थ णं तिरियलोगस्स मज्झे अटुपए सिए रुयए पं०, जओ णं इमाओ दस दिसाओ पवहंति, तं० पुरच्छिमा पुरच्छिमदाहिणा
॥ श्रीभगवती सूत्रं ॥
१६४
पू. सागरजी म. संशोधित
For Private And Personal Use Only
