________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अणुत्तरोववाइया देवा उवव० केवतिया सुक्कलेस्सा उवव०, पुच्छा तहेव, गोयमा ! पंचसु णं अणुत्तरविमाणेसु संखेज्जवित्थडे अणुत्तरविमाणे एगसमएणं जह० एक्को वा दो वा तिन्नि वा उक्कोसेणं संखेज्जा अणुत्तरोववाइया देवा उववजंति, एवं जहा गेवेज्जविमाणेसु |संखेज्ज वित्थडेसु नवरं किण्हपक्खिया अभवसिद्धिया तिसु अन्नाणेसु एए न उववज्जंति न चयंति नवि पन्नत्तएस भाणियव्वा, अचरिभावि खोडिज्जंति जाव संखेज्जा चरिमा पं० सेसं तं०, असंखेज्ज - वित्थडे सुवि एए न भन्नंति नवरं अचरिमा अत्थि, सेसं जहा गेवेज्जएसु | असंखेज्जवित्थडेसु जाव असंखेज्जा अचरिमा पं० । चोसट्ठीए णं भंते! असुरकुमारावाससयसहस्सेसु संखेज्जवित्थडेसु असुरकुमारावासेसु किं सम्मद्दिट्ठी असुरकुमारा उवव० मिच्छादिट्ठी० एवं जहा रयणप्पभाए तिन्नि आलवगा भणिया तहा भाणियव्वा, एवं असंखेज्जवित्थडे सुवि तिन्नि गमगा, एवं जाव गेवेज्जवि०, अणुत्तरवि० एवं चेव, नवरं तिसुवि आलावएसु मिच्छादिट्ठी सम्मामिच्छादिट्ठी यन भन्नंति, सेसं तं चेव, से नूणं भंते ! कण्हलेस्सा नील जाव सुक्कलेस्से भवित्ता कण्हलेस्सेसु देवेसु उवव० ?, हंता गोयमा एवं जहेव नेरइएस पढमे उद्देसए तहेव भाणियव्वं, नीललेसाएवि जहेव नेरइयाणं जहा नीललेस्साए, एवं जाव पम्हलेस्सेसु, सुक्कलेस्सेसु एवं चेव, नबरं लेस्सट्ठाणेसु विसुज्झमाणेसु २ सुक्कलेसं परिणमेइ ता सुक्कलेस्सेसु देवेसु उववज्जंति से तेणट्टेणं जाव उववज्जंति। सेवं भंते ! सेव भंते । । ४७२ । १० १३ ३०२ ॥
नेरइया णं भंते! अणंतराहारा ततो निव्वत्तणया एवं परियारणापदं निरवसेसं भाणियव्वं । सेवं भंते ! सेवं भंते ! | ४७३ ॥ श० ॥ श्रीभगवती सूत्रं ॥
१६२
पू. सागरजी म. संशोधित
For Private And Personal Use Only
