________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
अच्छविकरे अभूताभिसंकणे, अप्पसत्यमणविणए सत्तविधे पं० नं० - पावते सावज्जे सकिरिते सउवक्केसे अण्हकरे छविकरे भूताभिसंकणे, पसत्थवइविणए सत्तविधे पं० तं० अपावते असावज्जे जाव अभूताभिसंकणे, अपसत्थवइविणते सत्तविधे पं०तं० - पावते जाव भूताभिसंकणे, पसत्यकातविणए सत्तविधे पं०नं० - आउत्तं गमणं आउत्तं ठाणं आउत्तं निसीयणं आउत्तं तुअट्टणं आउत्तं उल्लंघणं आउत्तं पल्लंघणं आउत्तं सव्विदितजोगजुंजणता, अपसत्थकातविणते सत्तविधे पं०नं० -अणाउत्तं गमनं जाव अणाउत्तं सव्विदितजोगजुंजणता, लोगोवतारविणते सत्तविधे पं०नं० - अब्भासवत्तितं परच्छंदाणुवत्तितं कज्जहे कत्पडिकितिता अत्तगवेसणता |देसकालण्णुता सव्वत्थेसु यापडिलोमता । ५८५ । सत्त समुग्धाता पं०तं० - वेयणासमुग्धाए कसायसमुग्धाए मारणंतियसमुग्धाए वेडव्वियसमुग्धाते तेजससमुग्धाए आहारगसमुग्धाते केवलिसमुग्धाते, मणुस्साणं सत्त समुग्धाता पं० एवं चेव । ५८६ । समणस्स णं भगवओ महावीरस्स तित्थंसि सत्त पवतणनिण्हगा पं० तं०- बहुरता जीवपते सिता अवत्तिता सामुच्छेइता दोकिरिता तेरासिता अबद्धिता, एएसिं णं सत्तण्हं पवयणनिण्हगाणं संत्त धम्मातरिता हुत्था, तं० - जमालि तीसगुत्ते आसाढे आसमित्ते गंगे छलुए गोट्ठामाहिले, एतेसिं णं सत्तण्हं पवयणनिण्हगाणं सत्तुष्पत्तिनगरा होत्था, नं० - सावत्थी उसभपुरं सेतविता मिहिलमुल्ल गातीरं । पुरिमंतरंजि दसपुर |णिण्हगउप्पत्तिनगराई ॥ ८४ ॥ ५८७ । सातावेयणिज्जस्स कम्मस्स सत्तविधे अणुभावे पं० तं० - मणुन्ना सहा मणुण्णा रुवा जाव मणुन्ना फासा मणोसुहता वतिसुहता, असाता वेयणिज्जस्स णं कम्मस्स सत्तविधे अणुभावे पं०तं -अमणुना सहा जाव वतिदुहता
॥ श्रीस्थानाङ्ग सूत्रं ॥
१६१
पू. सागरजी म. संशोधित
For Private And Personal
