________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ २८॥
सुबहुं पि हु तवचरणं हारइ विसयाभिलासमेत्तेण । कंडरिउ व्व विमूढो दु? अहो ! विसयपरिमाणो ॥ २४ ॥ पायं विसया नारीण संगमे हुंति ताण पुण चरिअं । न मुणइ देवगुरू वि हु किं पुण पागयनरो मूढो ॥ २५ ॥ अण्णं भणंति अण्णं कुणंति अण्णं मणम्मि चितंति । ही ! विसमसहावाओ महिलाओ जयम्मि पावाओ ॥२६॥ सूरिअकंत व्व पिअंचुलि(ल)णि व्व सुअं हहा ! गुणेहि जु। नारी विसयपसत्ता मारेइ विवेअपरिचत्ता
।। २७ ॥ सुकुमालिआइआणं नारीणं कित्तिआणि चरिआणि । सक्किजंति कहेउं विउसेहिं वि वासकोडीहिं अंबं वा निबं वा आसपणं आरुहंति वल्लीओ। सगुणं व निग्गुणं वा आसण्णनरं तहा महिला ।। २९॥ न गणंति गुणं विहवं रूवं विण्णाणनाणसंपत्ति । उवयारिं पि विरत्ता धिरत्थु इत्थीसहावस्स
॥३०॥ बहुकूडकवडभरिआ बुद्धं सुद्धं नरं पयारेइ । नारी विरत्तचित्ता पावा तं चेव मारेइ
॥ ३१ ॥ महिलाछलेण जालं विहिणा वित्थारिअं किर विसालं। जत्थ निवडंति मूढा तिरिआ मणुआ सुरा असुरा ।। ३२॥ सविआरं रमणीणं दंसणमवि सीलजीविअं हरइ। किं पुण पणयपयंपिअपरिचयविस्संभमाईणि ।। ३३॥ चम्मट्ठिमंसनिचए वसरुहिरपुरीसमुत्तभवणम्मि। छविमेत्तमणहरे नारिविग्गहे रमइ विसयंधो
॥ ३४॥ बीभच्छकुच्छणिज्जे लज्जाव(ज)णयम्मि असुइदुग्गंधे । महिलादेहावयवे किमिउ व्व नरो रइं कुणइ
૧૫૬
For Private And Personal Use Only
