________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥
१
॥
॥२॥
॥३॥
॥४॥
॥विसयनिंदाकुलयं ॥ पणमित्तु वीअरायं पंचसर-गइंद-हणण-मयरायं । वोच्छामि विसयनिंदाकुलयं भविआण कयपुलयं अबुहजणजणिअराया कडुअविवाया बुहेहिं कयचाया। मुहमेत्तविहिअहरिसा विसया किंपागफलसरिसा विसयासत्ता सत्ता पत्ता नरएसु दुक्खघरएसु। विसहंति वेअणाओ जाओ जाणइ जिणो ताओ सरिसवमित्तं सुक्खं जीवा पावंति विसयसंजणिअं। दुक्खं पुण मेरुमहागिरिंदगरुअंचिअ लहंति पुरिसा विसयपसत्ता मइरामत्त व्व इत्थ जिअलोए। विहवक्खयमवकित्तिं मरणं पि गणंति नो मूढा विसया विसं व विसमा विसया वइसानरु व्व दाहकरा । विसया पिसाय-विसहर-वग्घेहि समा मरणहेऊ अहवा विसाइणो इह मरणकरा हुंति एगजम्मम्मि । विसया उ महापावा अणेगजम्मेसु मारंति हरिणो सद्दे सलहो रूवे भसलो अ गंधविसयम्मि । मच्छो रसे गइंदो फासे गिद्धा विणस्संति एक्के कम्मि विसए लुद्धा निहणं गया इमे मुद्धा । कह पुण पंचसु गिद्धो न मरिस्सइ मयणसरविद्धो तह सत्थवाहभज्जा भद्दा भद्दम्मि सद्दविसयम्मि। गिद्धा गिहाउ पडिआ सिणेहनाडिआ गया निहणं महुरावणिओ रूवे देवीअंगुट्ठदंसणे गिद्धो। पम्हुट्ठधम्मकम्मो किलिट्ठकम्मो गओ नरयं
॥८
॥
।।९।।
|॥१०॥
।। ११॥
૧૫૪
For Private And Personal Use Only
