________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वियं च तं सवपयारेण, पट्टिओ तयणुसारेणं, पत्तो अकालखेषेण भुज्जलिहियंमि गामे, निरूविओ निहाणप्पएसो, अवलोइयाई लिंगाई, जाव सङ्घाणिवि लिहियाणुसारेण मिलंति, तओ मे पाउच्भूओ परमप्पमोओ, पसत्थनिसाए य दिसावलिपक्खेवपुरस्सरं खणिउमाढत्तो णिहाणपएसं जाव य हत्थप्पमाणमेत्तं तं न खणामि ताव समुट्ठिया उच्भडफडाडो भीसणा तडिसिहातरलललंतजीहजुयला मुहमारुयसंवलियजलणफुलिंगुग्गारदारुणा पुच्छच्छटाताडियधरणिवट्ठा दीवयसीहा फुरंतरत्तदित्तनेत्ता महाभुयंगा, तेहि य संदंसेहि व तडतडत्ति तोडियं मह सरीरं, निचिट्ठो महाविसावेगेण निवडिओऽहं भूमीए, विक्कता रयणी, ममाणुकंपाएव समुग्गओ भयवं दिणयरो, अवलोइओऽहं गामजणेण, विण्णायविसविगारेण य दयाए पडियारिओ, तहाविहोसहमंतकिरियाए जायं च पगुणं सरीरं, पुट्ठोऽहं गामजणेण रयणिवइयरं, कहिओ य मए तस्स जहट्ठियनिहाणवुत्तंतो, तओ तत्थेव वीसमिऊण कइवय वासराई पुणरांचे पत्थिओ एगदिसाए, अण्णया य गच्छंतस्स मिलिओ एगो पुरिसो, समाणसीलयाए य जाया मज्झ तेण समं मेन्ती, पत्थावेण य तेण एगंते सब्भावेण निवेइओ मम विवरप्पवेसजक्खिणीसाहणकप्पो, अन्भत्थिओ य सङ्घायरेण जहा- जइ तुमं सहाईभवसि ता विवरं पविसामो भोगगाढलोलुयाए पडिवण्णमेयं मए, तओ अखंउपयाणएहिं गया वलयामुहं नाम विवरं, विरइया से दुवारपूया, तप्पियाओ जोइणीओ, सुमुहुत्तनक्खत्तंसि गहाय वाढं पत्थयणं परिकलियहत्थपईवा पविट्ठा तत्थ, उच्चनीयठाणाणि वोलिता सणियं सणियं गया दूरदेसं, दिट्ठा य
For Private and Personal Use Only
