________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
एवं सबुद्धिपरिकप्पिएण जइविसरिसेण वेसेणं । मुणिधम्ममग्गचत्तो पारिवज्जं पवत्तेइ ॥ ८४ ॥ गामागरनगराइ सिरिरिसहजिणेण सह परिब्भमइ । सुस्सवणपक्खवायं निचं हियएण वहमाणो ॥ ८५ ॥ अह तं करयलग हियच्छत्तयं दीहलंबिरसिहंडं । पासविमुकतिदंडं पवित्तमाईहिं परियरियं ॥ ८६ ॥ गेरुयरसरत्तंसुयविराइयं संझसूरविधं व । चंदणचचियदेहं उवाहणारोवियकमं च ॥ ८७ ॥ असरिसरूवं नीसेससमणसंघस्स मज्झयारंमि । दहुं कोऊहलिओ बहुजणो पुच्छर धम्मं ॥ ८८ ॥ मिरिईवि सम्ममहिगयत्तत्थो तत्तदेसणसमत्थो । साहेइ वित्थरेणं मुणिधम्मविहिं जणस्स पुणो ॥ ८९ ॥ जह एत्थं आजम्मं वायरसुहुमेसु सहजीवेसु । संघट्टणविद्दवणा वज्जणिजं पयत्तेणं ॥ ९० ॥ कोहेण व लोभेण व हासेण भरण वावि माड (ना) सच्चं । जीवोवघायजणगं भासेयवं विणासेऽवि ॥ ९१ ॥ गामे वा नगरे वा थोवं वा भूरि वा न घेत्तवं । सच्चित्तमचित्तं या सवमदत्तंपि तिविहेण ॥ ९२ ॥ देवनरतिरियरमणीसु पवरलायण्णसुंदरंगीसु । पचक्खभुयंगीसु व खणंपि नो अभिरमेयवं ॥ ९३ ॥ धम्मोयारि मोतुं वत्थपडिग्गहपमोक्खमुषगरणं । सेसमहिगरणरूवं परिहरियवं पयत्तेण ॥ ९४ ॥ संथारगमेकं वज्जिऊण नेवोवहाणतूलीओ । फासस्साणुगुणाओ कइयावि य पत्थणिजाओ ॥ अरसविरसन्नपाणेहिं पीडिएणावि महुरदित्तरसे । नो भोयणंमि चित्तं निवेसियवं मणागंपि
९५ ॥
॥
९६ ॥
For Private and Personal Use Only
