________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandr
धम्मवरचकवट्टी तिहुयणपूयणिजपायवीडो नियकुलनहयलमियंको अणुवमचरिओ तित्थयरो तुम्ह पुत्तोत्ति, एवमायनिऊण परमहरिसमुधहंतेण राइणा दवावियं तेसिं आसत्तपुरिससंतइदालिद्दविवकरं मणोरहपहाइकंतं दबिणजायं, विसज्जिया य नियनियठाणेसु, निवेइओ य एस वइयरो देवीए, जाओ य परमो पमोओ तीसे । एवं च पइदिणपुजंतमणोरहाए जिणाणुभावेण दूरपलीणरोगाए सुररमणीसरिच्छवद्वंतविलासाए बहिउमारद्धो गन्भो, तयणुभावेण य एवं सा सोहिउं पउत्ता
अंतरनिहित्तवररयण संचया फलिहमयधरित्तिव । संकंतफारदिणनाहमंडला मेरुभित्तिव ॥ १ ॥ अंत द्वियमुत्ताहलरेहंतुद्दा मजल हिवेलव । पढमुग्गमंतस सहरपसाहिया गयणलच्छि ॥ २ ॥ अंतोविफुरणसमुल्लसंत सोयामणी निवहकिन्ना । उम्भडघणंत घणपडलपुन्ननवपाउससिरिव ॥ ३ ॥ इय गव्भगय जिनिंदाणुभावसोहंत कंतसबंगा । नवकप्पहुमलइयव मणहरा रेहए देवी ॥ ४ ॥
विसं च भवं भुवण महासरेकरायहंसो तिसलादेवीए उदरकमलमइगओ तद्दिवसाओवि सुरवइवयणेण तिरियजंगंगा देवा विविहाई महानिहाणाई सिद्धत्थनरिंद भुवणंमि भुजो भुज्जो परिक्खिवंति, तंपि नायकुलं घणेणं धन्नेणं रज्जेणं रहेणं बलेणं वाहणेणं कोट्टागारेणं पीइसकारेणं वाढमभिवइ, सिद्धत्थनराहिवस्सवि अचंतबाहुबलदप्पिणो तहाविह| विसमपएस संठिया अपणयपुत्रावि वसमुवगया पञ्चंत द्वियावि नराहिया । अन्नवासरे भगवओ अम्मापिऊणं एया
For Private and Personal Use Only
