________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ता तस्स दाऊण सयं भुंजामित्ति संपधारिऊण गामचिंतगेण थेवं भूमिभागं गंतून तक्खणमवलोइयं दिसावलयं, एत्यंतरे सत्यपरिग्भट्ठा संता परिसंता खुहापिवासाभिभूया मज्झंदिणदिणयरताव विगलंत सेय सलिलधरा तरुवरनिवडणकडयडारावनिसामण संभावियसत्थावासा समागया तं पएसं तवस्सिणो, दिट्ठा य तेण ससंभमं, गओ तदभिमुहं, गाढकरुणारसाउरिज्यमाणमाणसेण पणमिऊण पुच्छिया अणेण-भयवं । किमेवं विजणविहारमायरह ?, साहूहिं भणियं-भद्द ! सत्थेण ( समं) पढमं अम्हे पत्थिया, भोयणकाले जाव असणपाणट्ठा गामं पविट्ठा तात्र गओ सत्थो, अम्हेऽवि तुरंता सत्थाणुमग्गलग्गा इंता निग्गया एत्थ महाडवीए, गामचिंतगेण भणियं - अहो निकरुणया अहो दुहसीलया अहो नरकनिवासलालसत्तणं अहो वीसत्थघाइत्तणं अहो पावाभीरुत्तणं अहो आजम्मा नियकुलकलंककरणं तेसिं सत्थियाणं, अविय - सत्तपयमेत्तसंथववसेऽवि सुयणाण वहुए नेहो । आजम्मदंसणेऽविद्दु निद्दयचित्ताण न खलाणं ॥ ४४ ॥
सत्थाणुसरणकालेsवि वारिया किं न पावबुद्धीहिं । एए महाणुभावा पढमं चिय साहुणो तेहिं ? ॥ ४५ ॥ जइ एएसिं सीहाइएहिं कीरेज्ज एत्थ विद्दवणं । ता नूणमेव तेसिं नरगेऽविद्दु होज्ज संवासो ॥ ४६ ॥ अहवा पावाण कहाऍ होउ नियधम्मदूसणकरीए । आगच्छह आवास कुणह पसायं ममेयाणिं ॥ ४७ ॥ इय भणिए ते मुणिणो जुगमेत्तनिहित्तचक्खुणो धीरा । तस्सावासंभि गया पचक्खा धम्मनिहिणो व्व ॥ ४८ ॥ पुण्णवससाडुदंसणसिणेहसंजायतिव्वसद्धेणं । विउ लेहिं असणपाणेहिं तेणऽवि पडिलाहिया विहिणा ॥ ४९ ॥
For Private and Personal Use Only
