________________
Shri Mahavir Jain Aradhana Kendra
श्रीगुणचंद महावीरच० ३ प्रस्तावः ॥ ५२ ॥
www.kobatirth.org
Acharya Shri Kailassagarsuri Gyanmandir
नरवश्वग्गंति, वयणाणंतरमेव कथं पगुणं सयलं किंकरजणेण एत्यंतरे गओ राया मज्जणधरं, परमविभूईए कयं मज्जणं, नियंसियाई कासकुसुमसुंदराई अंबराई, बद्धाई केसेस सुरहिकुसुमाई, कओ सबंगिओ चंदणरसेणंगरागो, विहिओ पुरोहिएण असिवोवसमनिमित्तं संतिकम्मविही, खित्ता दोबक्खया सिरे, पइडिओ पुरओ मंगलकलसो, दंसियं घयपुण्णभायणं, लिहिया अट्ठट्ठमंगलया, उवणीओ य आधोरणेण सिंगारियसरीरो सिंदूरपूरारुण कुंभत्थलो गंडयलगलंतमयजलो वइरिदलणदुद्धरो जयकुंजरो, तंमि आरूढो आसग्गीवो, धरियं फारफेणपुंजुज्जलं नियपरिमंडलविजियपडिपुण्णचंद मंडलं लंवंतमुत्ताहलकलावावचूलयं सियायवत्तं, ठिया य उभयपासेसु चामरग्गाहिणीओ, वज्जियाई दिसिकुंजरगलगजिगंभीराई भंभामुगुंदमद्दलढकापमूहतुराई, ठिओ पत्थाणंमि पत्थिवोत्ति । एत्यंतरेचलंतकण्णचामरा पयंडदप्पदुद्धरा, गलंतगंडमंडला तमालनीलसामला । अलंघणिज्जविकमा महागिरिंदविग्भमा, रणंतबद्धघंटया महागयाणुपट्टिया ॥ १ ॥ पलंगपुच्छ सोहिया असेससिक्खगाहिया, सुवेयतुट्ठसामिणो समीर वेगगामिणो । विसि लक्खणंकिया परेण नो निरिक्खिया, दिर्णिदवाइविन्भमा पर्यट्टिया तुरंगमा ॥ २ ॥ विचित्तचित्तधुरा महाउहोहनिन्भरा, जओवलंभपचला रणंतर्कि किणीकुला । निलीणभूरसत्यया पंगिकेउमत्थया, दुसज्झवेरिमद्दणा पवाहिया पसंदणा ॥ ३ ॥
For Private and Personal Use Only
अश्वग्रीव प्रयाणं.
॥ ५२ ॥
