________________
Shri Mahavir Jain Aradhana Kendra
www.kobatirth.org
***
३०
...
Acharya Shri Kailassagarsuri Gyanmandir
संतेण मए राहव न य जुत्तं तुज्झ जुज्झिउं एत्तो ।
रक्ख इमं जणयसुयं अरीण समुहो अहं जामि ॥ २२ ॥ जंबेल सीहनायं वेरियपरिवेदिओ विमुंचे हं । तंवेल तुमं राहव एज्जसु सिग्घं णिरुत्तेणं ॥ २३ ॥
एव भणिऊण तो सो संनद्धो गहियपहरणावरणो । अह जुज्झिउं पवतो समयं चिय रक्खसभ डेहिं ॥ २४ ॥ लच्छीहरस्स उचरिं निसायरा विविहसत्थसंघायं । मुंचति पञ्चयस्स व धारानिवहं पशवाहा ॥ २५ ॥ रयणियरकरविमुक्कं मउहनिवहं रणे निवारेडं । जमदंडसरिसवेगे मुंबइ लच्छीहरो बाणे ॥ २६ ॥ वरमउडमंडियाइं जलं तमणिरयणकुंडलवराई । लक्खणसरछिन्नाई पडंति कमलाई व सिराई ॥ २७ ॥ निवडंति गयतुरंगा जोहा य रहा य विलुलियधओहा । संचुण्णियंगमंगा घोररखं चेव कुणमाणा ॥ २८ ॥ एयंतरम्मि पत्तो पुप्फविमाणट्ठिओ य दहवयणो । हंतुं समुज्जयमणो संबुक्करि घणकसाओ || २९ ॥ अesहोमुहं नियंतो पेच्छर मोहस्स कारिणी सीया । सव्वंगसुंदरंगी सुरवइमहिलं व रूवेणं ॥ ३० ॥
मालवियंगो एकमणो दहमुहो विचिंतेइ | किं मज्झ कीरइ इहं रज्जेण इमाऍ रहियस्स ।। ३१ ।। परिरचिंतिऊण एवं ताहे अवलोयणाएँ विज्जाए । जाणइ ताण दहमुहो नामं चरियं च गोत्तं च ॥ ३२ ॥
For Private And Personal Use Only
