________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
... १८...
सम्वकामियं नाम पडणमत्थि । जो जं अभिलसिऊण पडइ, सो तक्खणेण चेव तं पावइ ' त्ति ।
तओ मए पुच्छियं 'भयवं, कहिं पुण तमुद्देसं । तेण साहियं जहा 'इमस्स सालतरुवरस्स वामपासेणं' ति । 'ता अलं इमिणा तिरियभावेण । एहि, विज्जाहरपणिहाणं काऊणं तर्हि निवडामो' । पडिस्सुयं च से इमं जायाए । गयाइं तमुद्देसं, कओ पणिही, निवडियाई गिरिनिगुंजे । साहियं लीलारइणो । समुप्पइओ य सह चंदलेहाए गयणयलमलंकरतो लीलारई । दिट्टो य अम्हहिं।
समुप्पन्ना मे चिंता । ' अहो, सव्वकामियपडणाणुभावो, जमेयं 'सुगमिहुणयं कयविज्जाहरपणिहाणमिह निवाडिऊण तक्खणा चेव विज्जाहरमिहुणयं जायं । ता अलं अम्हाणं पि इमिणा तिरियभावेण । तओ देवपणिहिं काऊण निवडामो एत्थ अम्हे वि' त्ति । एवं च संपहारिऊण पणिहिं काऊण निवाडिया तत्थ अम्हे । एत्थंतरम्मि य उप्पइयं सुयमिहुणयं, न लक्खियमम्हहिं । तओ संचुणियंगोवंगो अहं किलेसमणुहविऊणं अकामनिज्जराए कम्म खविऊण उववन्नो कुसुमसेहराभिहाणे वंतरभोम्मनयरे वंतरोत्ति,। तत्थ य उदारे भोए भुंजामि जाव, इयरो वि सुयत्ताए मरिऊण रयणप्पभाए चेव पुढवीए लोहियामुहाभिहाणे नरए समुप्पन्नो नारगो त्ति।
-समराइचकहा, बीओ भवो, पृ० ८६-८८.
For Private And Personal Use Only
