________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१०.
पेच्छइ कीलंताणि । थेववेलाए य आगओ ताण मज्झेण विसहरो । ' सप्पो सप्पो ' त्ति वाहरिओ तेहेिं, वावाइओ य सो मायंगेहिं । पच्छा तह च्चिय आगओ दीवओ । सो ' अटुट्टो 'सि न वावाइओ । तओ तं पेच्छिऊण चिंतियं बलेण 'अहो, निययदोसेहि पाणिणो आवयाण मंदिरं भवंति जेणं ' सविसो ' ति णिययभरण वावाइओ सप्पो, इयरो वि' निव्विसो ' ति मुको।
नियगुणदोसेहिंतो संपयविवयाओं होति पुरिसाणं । ता उज्झिऊण दोसे एहि पि गुणे पयासेमि || ' एवं भावेमाणो तक्खणसंजायजाइसंभरणो । सुमरियविमाणवासो जाईमयदारुणत्तं च ॥
भावेतो संविग्गो धम्मं सोऊण साहुमूलम्मि । णिग्विण्णभवपवंचो मायंगमहरिसी जाओ ||
महियसाहुकिरिओ छुट्टट्टमद्स म दुवालसमद्धमासमासवउमासखमणेहिं सोसियसरीरो कमेण विहरमाणो संपत्तो पासजिणजम्मोवसोहियं तियसनयरिसच्छहं वाणारासें । आवासिओ मुणिजणपसत्थे तिंडुगाभिहाणे उज्जाणे । तत्थ गंडीर्तिडगो नाम जक्खो परिवसइ । सो य असरिसगुणावज्जिओ तं चैव महरिसिं पज्जुवासेंतो चिट्ठर । तत्थ य कोसलियराइणो धूया भद्दाभिहाणा नाणाविपरियणाणुगम्ममाणा, खज्जभोजगंधमलविलेवणपडलधरीहिं चेडीहिं सह गया जक्वाययणं, पूइऊण य जक्खपडिमं पाहणं कुणंती दिट्ठो मलमइलियसव्वंगो जुण्णमलिणोवगरणो पणदूरूवलावण्णो अइसहतवसोसियसरीरो मुणी । तं च दट्ठूण मूढत्तणओ निच्छूढमणाए । 'पावा एसा जा महारीसें निंदेह ' त्ति
For Private And Personal Use Only
