Page Text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir भरीत. आला ह्मणजे त्यांत सवाईने किंवा दिढीने गूळ चांगला बारीक करून घालावा. सहामासे वेलदोड्यांची पूड व सहामासे मीठ ही आंत घालावीं व थोडे खोबरें किसून आंत घालून निखाऱ्यावर ठेवून वर झाकण ठेवावें. नंतर थोड्या वेळाने निखाऱ्यावरून काढून परातीत उपसून मळून सारखा करावा व यास जी कणीक घ्यावयाची ती तयार करण्याचे मान वगैरे सर्व पुरणाचे पोळीप्रमाणे सर्व कृति करावी. बासुंदी. दोनशेर चांगले दूध घेऊन कल्हईचे पात्रांत घालून चुलीवर ठेवून पळीतून पडे अशा बेताने आटवावे. नंतर पाउणशेर साखरेची मळी काढून तिचा पाक करून आंत मिळवावा व चांगले ढवळावे. नंतर त्यांत चार तोळे खडीसाखरेचा भरडा, दोन तोळे बेदाण्याचे तुकडे, चार तोळे बदामाचे आंतील बियांचे तुकडे आणि सहामासे वेलदोड्यांची पूड या सर्व जिनसा आंत घालून पळीने ढवळावें ह्मणजे बासुंदी तयार झाली. भरीत. आगस्त्याचे भरी०-आगस्त्याची फुले निवडून पात्रांत घालन चुलीवर एक वाफ येईपर्यंत शिजवावी. नंतर आळवाचे देंठीप्रमाणे पुढील सर्व कृति करावी. आगस्त्याची फुले पांढरी असावीत. तांबडी घेतल्यास त्यांपासून रातांधळे उत्पन्न होते. घोसाळ्याचे भ०.-घोसाळ्याची साल काढून त्यांच्या फोडी कराव्या. त्या सुमारे पावशेर फोडी पात्रांत घालून चुलीवर शिजत ठेवून वर पाण्याने भरलेले भांडे झांकण ठेवावे. थोडा वेळपर्यंत शिजवून खाली उतरून आंतील पाणी पिळून काढावे. नंतर वांग्याच्या भरताप्रमाणे सर्व कति करावी. For Private And Personal Use Only
| SR No. | 020524 |
| Book Title | Paksara |
| Original Sutra Author | N/A |
| Author | |
| Publisher | |
| Publication Year | 1890 |
| Total Pages | 77 |
| Language | Marathi |
| Classification | Book_Other |
| File Size | 5 MB |