Page Text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir 26 पोळ्या. शेर पाणी घालावे, त्याचे आधण आले ह्मणजे दीड तोळा मीठ, तांबडे तिखट एक तोळा, जिऱ्याची पूड दीडमासा हाळद, दोन मासे, किसलेलें खोबरें तीन तोळे, कोथिंबीर अर्ध तोळा येणेप्रमाणे जिन्नस आंत टाकावें. नंतर हारबऱ्याचे दाळीचे पीठ पावशेर घेऊन त्यांतून थोडे थोडे पीठ पातेल्यांत घालून पळीने हाटीत जावें, गोळी होऊ देऊ नये, गोळी झा. ल्यास वरती पाण्याचे भांडे झांकण ठेवून खाली मंदाग्नि लावावा ह्म णजे गोळी मोडून जाते. नंतर हाटून निखाऱ्यावर ठेवावे. याप्रमाणे पातळ दाट जसे करणे असेल तसे करावें. पोळ्या. अर्धा शेर कणीक किंवा रवा घेऊन तो पाणी घालून कालवितांना दोन तोळे तूप व चार मासे मीठ आंत घालून चांगला घट्ट कालवून तयार करावा. नंतर चुलीवर कढई ठेवून त्यांत तीन छटाक तूप घालून त्या तयार केलेल्या कणकीच्या पुऱ्या पाट्यावर लाटून तळून काढाव्या ह्मणजे फुगून वर येतात. फुगली ह्मणजे परतून टाकावी व झाल्याने काढावी. केळ्यांची पो०.-हिरवीं केळी उकडून सोलावी. ती अर्धा शेर केळी घेऊन कुसकरावी व त्या समान त्यांचे आंत साखर घालावी. पातळ झाल्यास चुलीवर ठेवून एक कढ द्यावा. नंतर खाली उतरून थंड झाल्यावर त्याचे पुरण वांटावे आणि राजगिऱ्याचे पीठ करून पाण्यांत कालवून त्याच्या लहान लहान गोळ्या करून त्यांत हे केळ्यांचे पुरण घालून पोळ्या कराव्या ह्मणजे त्या निरशनाचे उपयोगी पडतात. खव्याची पो०.-आच्छेर खव्यास आच्छर साखर घालावी आणि सहामासे वेलदोड्यांची पूड घालून पुरण करून ठेवावे. नंतर कणकीचा रवा भिजवून ते पुरण त्यांत भरून पोळ्या कराव्या. खापर पो०.–चांगले बारीक तांदूळ घेऊन तीन वेळा कुटून चांगले For Private And Personal Use Only
| SR No. | 020524 |
| Book Title | Paksara |
| Original Sutra Author | N/A |
| Author | |
| Publisher | |
| Publication Year | 1890 |
| Total Pages | 77 |
| Language | Marathi |
| Classification | Book_Other |
| File Size | 5 MB |