Paksara

SR No.: 020524
Original Sutra Author: N/A
Publication Year: 1890
Total Pages: 77
Language: Marathi
Classification: Book_Other
File Size: 5 MB

Page 12

Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir कढी, त्यांत थोडी वेलदोड्याची पूड घालून एकत्र करावे त्यास पुरण ह्मणतात. त्यापैकी थोडे पुरण आधी आयत्यावर घालून त्याची घडी करावी आणि त्या घडीवरही थोडे पुरण घालून दुसरी घडी घालून वाढावें. उंडुया. उडीद दळून त्याचे पीठ करावें नंतर त्या पिठास मीठ, जिरे, हिंग व आले हे पदार्थ नेमस्त वाटून लावावे व पाण्यांत सुकसुके मळून त्याची मुटकुळी करावी. ती भांड्याच्या तोंडावर फडके बांधून त्यांत पाणी घालून वाफेवर मंदाग्नीने शिजवावी नंतर ती तुपांत किंवा तेलांत तळावी किंवा त्यांचे सुरीने काप काढून तळावी. त्या भक्षण केल्या असतां त्याचे गुण, बलकर, शुक्रवर्धक, पुष्टिदायक, व जड अशा आहेत. आणि वायू, अरुचि, आणि तोंड एकाएकी वाकडे होते तो अर्दित वायु यांचा नाश करितात. कढी. कढी ताकाची.-ताक फार आंबट व फार गोड नाही असे सव्वाशेर घेऊन त्यास हारबऱ्याचे दाळीचे पीठ सुमारे दीडतोळा कालवून कल्हईचे पातेल्यांत घालून चुलीवर ठेवावे. व कढ येईपर्यंत पळीने ढवळावे. नंतर चांगले कढ येऊन एक बोटभर आटली म्हणजे दोन गुंजा हिंग भाजून पूड करून आंत टाकावी. एक तोळा मीठ, व साहामासे मिरपूड हे पदार्थ आंत घालून चांगले ढवळावें नंतर थोडी हळदीची चिमूट आंत टाकावी व पळी तापवून त्यांत एक तोळा तूप दोन मासे मिसळण घालून फोडणी द्यावी, ही कढी भक्षण केली असतां पचन शक्ति देते, तोंडास साचे येते, लघु, अग्निदीपक, व For Private And Personal Use Only