Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सिरिउसहनाहचरिए एवं वएइ-महीवइ ! सरलासय ! तुम्ह बंधवो महासत्तसालिणो पइण्णाय-महव्वया संसारासारयं नच्चा सव्वओ चत्तपुव्वभोगा एए वंतं पिव भुज्जो वि भोगे न खलु पडिगिण्हेइरे, एवं सामिणा भोगेसुं निसिद्धो भरसेसरो साणुतावेण मणेण भुज्जो चिंतेइ -जइ ताव चत्तसंगा इमे भोगे न मुंजेइरे, तह वि एए पाणधारणं आहारं तु भुंजिस्सन्ति एवं चिंतिऊण उच्चएहिं पंचहि सयडसएहिं आहारं आणाविऊण सो भरहो पुव्वं पिव बंधुणो निमंतेइ । पहू भुज्जो वि एवं वएइ-'भरहेसर ! आहरियं आहाकम्म अण्णाइं मुणीणं न हि कप्पइ' एवं निसिद्धो भरहो मुज्जो वि अकयाऽकारियाऽसणाइणा आमंतेइ, जओ अज्जवम्मि सव्वं सोहइ । धम्मचक्किणा 'राइंद ! महारिसीणं रज्जपिंडो वि न कप्पइ' एवं भुज्जो वि चकवट्टी "निराकरिओ । तइया सामिणा अहं सव्वहा पडिसिद्धो म्हि त्ति महंतेण अणुतावेण राहुणा निसागरो विव दुहिओ । तया सहस्सक्खो भरहनरिंदस्स विलक्खतणं उवलक्खित्ता पहुं पुच्छेइ--'कइविहो अवग्गहो सिया' । सामी वि वएइ-इदंचक्कि नरिंद-'गिहत्थ-साहुसंबंधिभेयाओ पंचहा ओग्गहो सिया, एएसिं उत्तरेण उत्तरेण पुच्चो पुव्वो ओग्गहो बाहिज्जइ, जो पुव्वुत्तपरुत्तविहीसुं परुत्तो विही बलवंतो सिया, तया सको वि कहेइ-देव ! जे साहवो मम उग्गहे विहरेइरे ताणं मए निओ अवग्गहो अणुण्णाओ त्ति वोत्तूणं सामिपाए वंदिऊण सके अवट्ठिए समाणे
भरहेसरो भुज्जो वि एवं चिन्तेइ एएहिं मुणीहिं जइवि मईयं असणाइयं न गहियं, तहवि अहं नियावग्गहाणुण्णाए कयत्थो होज्जा इअ हिययम्मि वियारिऊण पसण्णहियओ महीवई सको विव सामिपायाणं पुरओ नियं ओग्गहं अणुजाणेइ, तओ सो भरहो साहम्मियं वासवं पुच्छेइ-अहुणा अणेण भत्तपाणाइणा मए किं कजं ?। इमं भत्तपाणाइयं गुणुत्तराणं दायत्वं ति सक्केण भासिए समाणे स एवं झियाइ-साहुणो विणा के अण्णो गुणुतरा ?, आ ! जाणियं अहवा देसविरया खलु सावगा ममाओ गुणुत्तरा संति, ताणं मर इमं दायव्यं, एयं च कायव्वं ति निण्णेऊण चकवट्टी सकस्स भासुर। जिवंतं रूवं दट्टणं विम्हिओ समायो पुच्छेइ-देववइ ! तुम्हे देवलोगे वि किं एरिसेण रूवेण चिट्ठह ? अहवा रूवंतरेण, जओ देवा कामरूविणो संति । देवराओ बवेइ-राय ! एरिसं रूवं तत्थ अम्हाणं न सिया, जं तत्थ रूवं तं मयसेहिं दहें पि न पारिज्जइ । भरहो वएइ-सुरवइ ! अप्पणो तीए दिव्वागिईए दंसणेण चंदो चकोरं पिव मम नयणाई परिपीणाहि ।
१ सानुतापेन-सपश्चात्तापेन । २ साधुनिमित्तकृतं समानीतमन्नादि। ३ आजवे । ४ निराकृतः-निषिद्धः । ५ पूर्वोक्त-परोक्तविध्योः । ६ समानधर्मवन्तम् । ७ शक्यते ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |