Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सुंदरीप दिक्क्षा। दीवो घडं किं न उज्जोएइ । जगरक्खणिकदिक्खि ! पहु ! पसीअहि संसारसमुहतारणजाणपत्तसरिच्छं दिक्खं मम देहि । भयपि महासत्तरेहिरे ! साहु साहु त्ति बुवंतो तीए सामाइयमुत्तुच्चारणपुव्वं दिक्खं देइ । तओ पहू महन्वयदुमाराम-मुहासारणिसंनिहं अणुसासणमइअं देसणं विहेइ । तओ अप्पाणं मोवखपत्तमिव मण्णमाणा सा महामणा साहुणीगणमज्झम्मि जिट्टाणुक्कमेण निसीएइ । सामिणो देसणं सोच्चा पायसरोयाइं च पणमिऊण मुइयमणो भरहनरीसरो अउज्झानयरिं वच्चेइ । पुणो नियसयलजणं दटुं इच्छंतस्स भरहेसरस्स अहिगारीहि जे आगया ते दंसिआ, जे अणागया वि ते संभारिआ । नियाभिसेयमहूसवे वि अणागए ते भाउणो नच्चा भरहेसरो ताणं पत्तेयं दुए पेसेइ । 'जइ तुम्हे रज्जाइं समीहेह ता भरहं सेवेह' त्ति दूएहिं वुत्ता ते सव्वे वि आलोइऊण इमं वयंति-'पिउणा अम्हाणं भरहस्स य विभइऊण रज्जं दिण्णं, संसेविज्जमाणो भरहो तओ अहिगं किं काहिइ, किं काले समावडतं कालं रंभिस्सइ ?, किं देहग्गाहिणि जरारक्खसि निग्गहिस्सइ ?, किं वा बाहाकारिणो वाहिवाहे हणिस्सइ ?, जं वा जहुत्तरं वइढमाणं तिण्हं कि दलिस्सइ ?, जइ भरहो एरिससेवाफलं दाउं न समत्थो, तो मणसभावे सामण्णे वि को केण सेविज्जउ । पत्तविसालरज्जो वि जइ असंतोसाओ अम्हाणं रज्जं बलाओ गहिउं इच्छइ तो अम्हे वि तस्स तायस्स तणया, तओ हे दुआ ! तायं अविण्णविऊण जेटेण सोअरियबंधुणा तुम्हेच्चयसामिणा जोर्बु अम्हे न ऊसाहामो' ताणं दूआणं एवं कहिऊण तंमि चिय समए अट्ठावयगिरिम्मि समोसरणे संठियं उसहसामि उवगच्छेइरे, परमेसरं पयाहिणतिग काऊण पणमंसित्ता सिरनिबद्धंजलिणो सव्वे वि एवं थुइं विहेइरे-'जिणेसर ! देवेहिं पि अविण्णेयगुणं तुमं थुणिउं को पच्चलो। तह वि ईस ! विलसंतबालचावला थुणिस्सामो। जे सया तुम नमसंति ते तवंसिजणेहितो अहिगा, जे उ तुमं सेवेइरे ते जोगिहितो वि सेट्टतमा। जगभावपयासणदिणेसर ! पइदिणं नमसंताणं कयपुण्णाणं तुम्ह पायनहंमुणो अवयंसंति । जगज्जंतु-अभयप्पय ! तुमए कासइ सामेण बलाओ वा न किंचि गिहिज्जइ, तहवि तुं तेलुकचक्कवट्टी सि । पहु ! सव्वजलासयजलेसु निसागरुब्व इक्को वि तुमं सव्वजीवाणं चित्तेसुं समं बट्टसि । देव ! तुमं थुइं कतारो सम्वेहि थुणिज्जइ, तुम्ह अच्चगो सव्वेहिं अच्चिज्जइ, तुव पणमियारो सव्वेहिं पण
१ व्याधिव्याधान् । २ शक्तः । ३ अवतंसयन्ति शिरोभूषणानि भवन्ति । १ साम्ना ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |