Padhamvaggo

SR No.: 020520
Original Sutra Author: N/A
Author: Nemivigyan Kastursuri Gyanmandir
Publisher: Nemivigyan Kastursuri Gyanmandir
Total Pages: 246
Language: Sanskrit
Classification: Book_Devnagari
File Size: 19 MB

Page 13

Acharya Shri Kailashsagarsuri Gyanmandir
सवायलक्खदेसाहिवइ-अण्णोरायल्स अणेगसो जयम्मि निष्फले गए तस्स जयद्रं नियमंती बाहडो पुच्छिओ 'कहं सो जिणिज्जइ ? । तइया मंतिबाहडवयणेण पट्टणसंथिअसिरिपासणाहचेइअमज्झम्मि सिरिहेमचंदपहुपइट्ठिअमहापहावजुअसिरिअजियणाहजिणीसरपडिमाराहणेण अण्णो रायस्स विजओ विहिओ।
एगया जइणधम्मसवणे मंतिबाहडमुहाओ सिरिहेमचंदसूरिणो गुणे सोच्चा तं च आहविऊगं तम्मुहाओ जिणधम्मं सुणिऊणं मंसाहारचागपमुहनियमे गिहित्था । तओ सो जइणसत्थाणं अज्झयणं कुणंतो कमेण महासावगो संजाओ । नियदंताणं विसोहणटुं बत्तीसं जिणचेइयाई तह य नियपियरसेयनिमित्तं 'तिहुवणविहार'-चेइअं अन्नाइंच अणेगचेइआई करावेसी । पुव्वं सिरिअजियजिणाराहणेण अण्णोरायस्स विजओ कओ आसी, तओ सस्स सुमरणनिमित्तं तारंगायलसिहरम्मि उच्चयमं भव्वमहापासायं कराविऊणं तम्मि इक्का हिगसयंगुलपमाणं सिरिअजियणाहजिणपडिमं करावित्ता तहिं पइट्ठे कराविस्था ।
उदयणमंतिस्स बिइयपुत्तेण अंबडेण भरुअच्छनयरम्मि 'सउणिगाविहार' चेइमस्स उद्धारो को तस्स पइट्ठा वि विक्कमस्स उउ चंद-आइच्च (१२१६) वरिसम्मि सिरिहेमचंदरिणा बिहिया।
सिरिहेमचंदपहुणो उवएसेण कुमारवालो नरिंदो समणोवासगस्स दुवालसवयाइं गिहित्था। ताहे सो नियसव्वदेसेसुं जीववहं तह य जूअपमुहसत्तवसणाई निवारित्था ।
सिरिहेमचंदसूरिस्स वयणेण कुमारवालो सिंधुसोवीरदेसरायधाणीवीअभयपट्टणस्स भूमिखणणेण निग्गयाओ पुव्वकालियंजिणपडिमाओ इह पट्टणम्मि आणाविऊणं जिणचेइएस पइट्ठाविआओ ।
एवं आयरियसिरिहेमचंदसूरी कुमारवालमहारायं पडिबोहिऊण तह य सव्वंगीअगंथरयणेण गुज्जरदेसस्स सिरिजिणसासणस्स य अणुवमं पहावणं काऊणं विक्कमस्स नंद-नयण-भुय-ससंक(१२२९) वरिसम्मि चउरासीइवरिसाउसो सग्गं समागओ । एवं महापुरिसाणं गुणगाणं कम्मक्खयाय होइ । तहेव इह उसहचरियविरयणे सिरिहेमचंदसूरिविरइयतिसदिसलागामहापुरिसचरियस्स पढमपव्वस्स उवओगो मए विहिओ । तेण एएसिं महापुरिसाणं गुणगाणं मज्झवि कम्मखयटुं हवेउ ।
एवं सिरिहेमचंदपहुणो संखेवभो पहावंगचरियस्स समत्तीकाऊणं अहुणा तिसहिसलागा पुरिसचरियाइमपव्वस्स रूवरेहा मए आलिहिज्जइ--
For Private And Personal