________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
निरयावलियासु
तए णं सा दासचेडी चेल्लणोए देवीए एवं वुत्ता समाणो करयल° [जाव) कट्ट चेल्लणाए देवीए एयमदं विणएणं पडिसुणेइ । २ तं दारगं कस्यलपुडेणं गिण्हइ । २ जेणेव असो. गवणिया तेणेव उवागच्छइ । २ तं दारगं एगन्ते उकुरुडि5याए उज्झाइ । तए णं तेणं दारगेणं एगन्ते उकुरुडियाए उज्झिएणं समाणेणं सा असोगवणिया उज्जोविया यावि होत्था ॥ ३१ ॥
तए णं से सेणिए राया इमीसे कहाए लद्धठे समाणे, जेणेव श्रसोगवणिया तेणेव उवागच्छइ । २ तं दारगं एगन्ते 10उकुरुडियाए उज्झिये पासेइ । २ आसुरुत्ते [जाव] मिसिमिसेमाणे तं दारगं करयलपुडेणं गिण्हइ । २ जेणेव चेल्लणा देवी, तेणेव उवागच्छह । २ चेल्लणं देवि उच्चावयाहिं आओसणाहिं आओसइ । २ उच्चावयाहिं निब्भच्छणाहिं निब्भच्छेइ । एवं उसणाहिं उद्धंसेइ । २ एवं वयासी-" किस्स णं तुम मम 15पुत्तं एगन्ते उकुरुडियाए उज्झावेसि " त्ति कट्ट चेल्लणं देविं उच्चावयसवहसावियं करेइ । २ एवं वयासी-तुम णं, देवाणुप्पिए, एयं दारगं अणुपुत्रेणं सारक्खमाणी संगोवे. माणी संवड्ढेहि " ॥
तए णं सा चेल्लणा देवी सेणिएणं रन्ना एवं वुत्ता 20समाणी लज्जिया विलिया विड्डा करयलपरिग्गहियं सेणि. यस्स रन्नो विणएणं एयमढें पडिसुणेइ । २ तं दारगं अणुपुव्वेणं सारक्खमाणो संगोवेमाणी संवड्ढेइ ॥
तए णं तस्स दारगस्स एगते उकुरुडियाए उज्झिज्जमाणस्स अग्गङ्गुलिया कुक्कुडपिच्छएण दूमिया यावि होत्था, 25अभिक्खणं अभिक्खणं पूयं च सोणियं च अभिनिस्सावेइ ।
For Private and Personal Use Only
