________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
हाताधर्मकथा विहरति। तएणं पुंडरीए राया जहा मंडुए सेलागस्स जाव बलियसरीरे जाए । तएणं थेरा भगवंतो पोंडरीयं रायं पुच्छंति, पुच्छित्ता बहिया जणवयविहारं विहरति । तएणं से कंडरीए ताओ रोयायंकाओ विप्पमुक्के समाणे तंसि मणुण्णसि असणपाणखाइमसाइमंसि मुच्छिए गिद्धे गढिए अज्जोववण्णे णो संचाएइ पोंडरीयं रायं आपुच्छित्ता बहिया अब्भुज्जएणं जणवयविहारं विहरित्तए । तत्थेव ओसण्णे जाए । तएणं से पोंडरीए इमीसे कहाए लखढे समाणे ण्हाए अंतेउरपरियालसंप. रितुडे राया जेणेव कंडरीए अणगारे तेणेव उवागच्छइ, उवागच्छित्ता, कंडरीयं अणगारं तिक्खुत्तो आयाहिणं पयाहिणं करेइ करित्ता वंदइ णमंसइ वंदित्ता णमंसित्ता, एवं वयासीधन्नेसि णं तुम देवाणुप्पिया ! तव माणुस्सए जम्मजीवियफले जे गं तुमं रज्जं च जाव अंतेउरं चावि छड्डयित्ता जाव विगो. वइत्ता जाव पव्वइए । अहणणं अहण्णे अकयपुन्ने रज्जे जाव अन्तेउरे य माणुस्सएसु य कामभोगेसु मुच्छिए जाव अझोववन्ने नो संचाएमि जाव पव्वइत्तए । तं धन्नेसि णं तुमं देवाणुप्पिया! जाव जीवियफले । तएणं से कंडरीए अणगारे पुंडरीयस्स एयमहंणो आढाइ जाव संचिटुइ । तएणं कंडरीए पोंडएिणं दोच्चंपि तच्चंपि एवं वुत्ते समाणे अकामए अवस्तवसे लज्जोए गारवेणय पोंडरीयं रायं आपुच्छइ, आपुच्छित्ता थेरेहि सद्धि बहिया जणवयविहारं विहरइ ॥ सू०३ ॥
For Private and Personal Use Only
