________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
खम गार मतिवर्षिणी टी० ४० १६ धर्मध्यगाश्चरितवर्णनम्
उज्जाणे तेणेव उवागच्छति २ अहापडिरुवं जाव विहरंति, परिसा निग्गया, धम्मो कहिओ, परिसा पडिगया, तरणं तेसिं धम्मघोसाणं थेराणं अंतेवासी धम्मरुई नाम अणगारे ओराले जाव तेउलेस्से मासं मासेणं खममाणे विहरह, तएण से धम्मरुई अणगारे मासखमणपारणगंसि पढमाए पोरिसएि सज्झायं करेइ बीयाए पोरिसीए एवं जहा गोयमसामी तव उग्गाइ उग्गाहित्ता तहेव धम्मघासे थेरं आपुच्छइ जाव चंपाए नयरीए उच्चनीयमज्झिमकुलाई जाव अडमाणे जेणेव नागसिरीए माहणीए गिहे तेणेव अणुपविट्ठे, तरणं सा नागसिरी माहणी धम्मरुइं एजमाणं पासइ पासित्ता तस्स सालइयस्स बहुसंभारसंभियस्स हावगाढस्त तित्तकडुयस्स पट्ठवणट्टयाए हट्टतुट्ठा उडाए उट्ठेइ उट्टित्ता जेणेव भक्तघरे तेणेव उवागच्छइ, उवागच्छित्ता तं सालइयं तित्तकडुयं च बहुसंभारसंभियं णेहावगाढं धम्मरुइस्स अणगारस्स डिग्गहंसि सव्वमेव निसिरइ, तरणं से धम्मरुई अणगारे अहापज्जतमितिकट्टु णागसिरीए माहणीए गिहाओ पडिनिक्खमइ पडिनिक्खमित्ता चंपाए नयरीए मज्झ मज्झेणं पडिनिक्खमइ जेणेव सुभूमिभागे उज्जाणे तेणेव उवागच्छइ, उवागच्छित्ता धम्मघोसस्स अदूरसामंते अन्नपाणं पडिलेहेइ पडिलेहिता अन्नपाणं करयलंसि पडिदंसेइ, तरणं ते धम्मघोसा थेरा सालइयस्स जाव नेहावगाढस्स गंधेणं
For Private and Personal Use Only
१४३
