Page Text
________________ महासयय 215 - अभिधानराजेन्द्रः - भाग 6 महासयय हिरण्णकोडिओ सकं साओ णिहाणपउत्ताओ अट्ठ हिरण्णकोडिओ सक साओ वुट्ठिउत्ताओ अट्ट हिरण्णको डिओ सकंसाओ पवित्थरपउत्ताओ। अट्ठ वया दसगोसाहस्सिएणं, वएणं, तस्स णं महासयगस्स रेवईपामोक्खाओ तेरस भारियाओ होत्था, अहीणा० जाव सुरूवाओ। तस्स णं महासयगस्स रेवईए भारियाए कोलघरियाओ अट्ठ हिरण्णकोडिओ अट्ठ वया दसगोसाहस्सिएणं वएणं होत्था / अवसेसाणं दुवाससण्हं भारियाणं कोलघरिया एगमेगा हिरण्णकोडी एगमेगे य वए दसगोसाहस्सिएणं वए णं होत्था। (सूत्र-४६) ते णं काले णं ते णं समए णं सामी समोसढे, परिसा णिग्गया, जहा आणंदो तहा णिग्गच्छइ तहेव सावयधम्म पडिवजइ, णवरं अट्ठ हिरण्णकोडिओ सकं साओउचारेइ, अट्ठ वया रेवईपामोक्खाहिं तेरसहि भारियाहिं अवसेस मेहुणविहिं पचक्खाइ, सेसं सव्वं तहेव, इमं च णं एयारूवं अभिग्गहं अभिगिण्हइ कल्लाकल्लिं चणं कप्पइ मे वे दोणियाए कंसपाईए हिरण्णभरियाए संववहरित्तए, तए णं से महासयए समणोवासए जाए अभिगयजीवाजीवे० जाव विहरइ / तए णं समणे भगवं महावीरे बहिया जणवयविहारं विहरइ। (सूत्र-४७) तएणं तीसे रेवईए गाहावइजीए अण्णया कयाई पुव्वरत्तावरत्तकालसमयंसि कुडुंव० जाव इमेयारूवे अज्झथिए०४ एवं खलु अहं इमस्सि दुवालसण्हं सवत्तीणं विघाएणं णो संचाएमि महासयएणं समणोवासएणं सद्धिं उरालाई माणुस्सयाई भोगभोगाइं भंजमाणी विहरित्तए, तं सेयं खलु ममं गयाओ दुवालस वि सवत्तियाओ अग्गिप्पओएणं वा सत्थप्प० वा विसप्प० वा जीवियाओ ववरोवित्ता, एयासिं एगमेगं हिरण्णकोडिं, एगमेगं वयं सयमेव उवसंपज्जित्ता णं महासयएणं समणोवासएणं सद्धिं उरालाइं० जाव विहरित्तए, एवं संपेहेइ एवं संपेहित्ता तासिं दुबालसण्हं सवत्तीणं अंतराणि च छिदाणि य विवराणि य पडिजागरमाणी विहरइ, तएणं सा रेवई गाहावइणी अण्णया कयाइतासिंदुवालसण्हं सवत्तीणं अंतरंजाणित्ता छ सवत्तीओ सत्थप्पओएणं उद्दवेइ उद्दवेइत्ता छ सवत्तीओ विसप्पओगेणं उद्देवेइ उद्दवेइत्ता तासिं दुवालसण्हं सवत्तीणं कोलधरिअं एगमेगं हिरण्णकोडिं एगमेगं वय सयमेव पडिवजह २त्ता महासयएणं समणोवासएणं सद्धिं उरालाई भोगभोगाई भुजमाणी विहरइ / तए णं सा रेवई गाहावइणी मंसलोलुया मंसेसु मुच्छिया० जाव अज्झोववण्णा बहुविहेहिं मंसे हि य लोल्लेहि य तलिएहि य भज्जिएहि य सुरं च महं च मरेगं च मज्ज च सीधुं च प सन्नं च आसाएमाणी०४ विहरइ। (सूत्र-४८) तए णं रायगिहे णयरे अण्णया कयाइ अमाघाए घुटे याऽवि होत्था, तए णं सा रेवई गाहावइणी मंसलोलुया मंसेसु मुच्छिया कोलघरए पुरिसे सद्दावेइ 2 त्ता एवं वयासी-तुब्भे देवाणुप्पिया ! मम कोलघरिएहिंतो वएहिंतो कल्लाकल्लिं दुवे दुवे गोणपोयए उद्दवेह उद्दवेइत्ता ममं उवणेह, तए णं ते कोलघरिया पुरिसा रेवईए गाहावइणीए तह त्ति एयमट्ट विणएणं पडिसुणंति पडिसुणित्ता रेवईए गाहावइणीए कोलघरिएहिंतो वएहिंतो कल्लाकल्लिं दुवे दुवे गोणपोयए वहें ति 2 त्ता रेवईए गाहावइणीए उवणेति, तए णं सा रेवई गाहावइणी तेहिं गोणमंसेहिं सोल्लेहि य०४ सुरं च०६ आसाएमाणी०४ विहरइ। (सूत्र-४६) तए णं तस्स महासयगस्स समणोवासगस्स बहू हिं सील० जाय भावेमाणस्स चोद्दस संवच्छरा वइक्वंता , एवं तहेव जेट्टपुत्तं ठवेइ० जाव पोसहसालाए धम्मपण्णत्तिं उवसंपज्जित्ता णं विहरइ / तए णं सा रेवई गाहावइणी मत्ता लुलिया विइण्णकेसी उत्तरिजयं विकढमाणी वि०२ जेणेव पोसहसाला जेणेव महासयए समणोवासए तेणेव उवागच्छइ २त्ता मोहुम्मायजणगाइं सिंगारियाइं इत्थिभावाइं उवदंसे माणी महासययं समणोवासयं एवं वयासी-हं भो महासयया ! समणोवासया ! धम्मकामया पुण्णकामया सग्गकामया मोक्खकामया धम्मकंखिया०४ धम्मपिवासिया०५ किण्णं तुब्भे देवाणुप्पिया ! धम्मेण वा पुण्णेण वा सग्गेण वा मोक्खेण वा ? जण्णं तुम मए सद्धिं उरालाइं०जाव भुजमाणे णो विहरसि। तएणं से महासयए समणोवासए रेवईए गाहावइणीए एयमहूँ जो आढाइ णो परियाणइ अणाढाइज्जमाणे अपरियाणमाणे तुसिणीए धम्मज्झाणोवगए विहरइ, तए णं सा रेवई गाहावइणी महासययं समणोवासयं दोच्चं पि तचं पि एवं वयासीह भो तं चेव भणइ, सोऽवि तहेव० जाव अणाढाइज्जमाणे अपरियाणमाणे विहरइ, तएणं सा रेवई गाहावइणी महासयएणं समणोवासएणं अणाढाइजमाणी अपरियाणिज्जमाणी जामेव दिसंपाउडभूया तामेव दिसं पडिगया। (सूत्र-५०) तए णं से महासयए स मणोवासए पढमं उवासगपडिभं उवसम्पज्जित्ता णं विहरइ, पढमं अहासुत्तं० जाव एक्कारस वि तए णं से महासयए तेणं उरालेणं० जाव किसे धमणिसंतए जाए। तए णं तस्स महासययस्स समणोवासयस्स अण्णया कयाइ पुव्वरत्तावरत्तकाले धम्मजागरियं जागर
| SR No. | 016148 |
| Book Title | Abhidhan Rajendra Kosh Part 06 |
| Original Sutra Author | N/A |
| Author | Vijayrajendrasuri |
| Publisher | Rajendrasuri Shatabdi Shodh Samsthan |
| Publication Year | 2014 |
| Total Pages | 1492 |
| Language | Hindi |
| Classification | Dictionary |
| File Size |