Abhidhan Rajendra Kosh Part 05

SR No.: 016147
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1636
Language: Hindi
Classification: Dictionary

Page 53

पएसि(ण) 26 - अभिधानराजेन्द्रः - भाग 5 पएसि(ण) णपट्टए पिणद्धगेविजविमलवरचिन्धपट्टेगहियाउहपहरणे महत्थं जाव पाहुडं गिण्हइ, गिण्हइत्ता जेणेव चाउग्घंटे आसरहे तेणेव उवागच्छइ, उवागच्छइत्ता चाउग्घंटं आसरहं दुरूहति, बहूहिं पुरिसेहिं सण्णद्ध जाव गहियाउह पहरणेहिं सद्धिं संपरिवुडे सकोरंटमलदामेणं छत्तेणं धरिजमाणेणं महया भडचडगरहपहकरवंदपरिक्खित्ते सयातो गिहातो णिग्गच्छति, सेयंबियाए णगरीए मज्झं मज्झेणं णिग्गच्छइ, णिग्गच्छइत्ता सुहेहिं वासेहिं पायरासएहिं णाइविकडेहिं अंतरावासेहिं बसमाणे केययऽद्धस्स जणवयस्स मज्झं मज्झेणं जेणेव कुणाला णाम जणवए जेणेव सावत्थी णगरी तेणेव उवागच्छति, तेणेव उवागंच्छित्ता सावत्थीए णगरीए मज्झं मझेणं अणुपविसति, जेणेव जियसत्तुस्स रण्णो गिहे जेणेव वाहिरिया उवट्ठाणसाला तेणेव उवागच्छति, उवागच्छतित्ता रहं ठवेति, रहं ठवेइत्ता रहातो पच्चोरुभति तं महत्थं जावपाहुडं गिण्हेइ, जेणेव अभिंतरिया उवट्ठाणसाला जेणेव जियसत्तू राया तेणेव उवागच्छति, उवागच्छतित्ता जियसत्तुरायं करयलपरिग्गहियं जाय कट्ट जएणं विजएणं बद्धावेइ वद्धावेइत्ता तं महत्थं जाव पाहुडं उवणेति / तते णं से जियसत्तू राया चित्तस्य सारहिस्स तं महत्थं जाव पाहुडं पडिच्छइ, चित्तं सारहिं सक्कारेति, सम्माणेति, पडिविसज्जेइ, रायमग्गमोगाढं आवासं दलयति / तते णं से चित्ते सारही विसज्जिए समाणे जियसत्तुस्स रण्णो अंतियाओ पडिणिक्खमइ, जेणेव बाहिरिया उवट्ठाणसाला जेणेव चाउग्घंटे आसरहे तेणेव उवागच्छइ, उवागच्छित्ता चाउग्धंटे आसरहं दुरूइति, दुरूहत्ता सावत्थीए णयरीए मज्झं मज्झेणं जेणेव रायमग्गमोगाढे आवासे तेणेव उवागच्छइ, उवागच्छइत्ता तुरए णिगिण्हइ, रहं ठवेति, ठवेइत्ता रहातो पच्चोरुभति, पहाए कयबलिकम्मे कायकोउयमंगलपायच्छित्ते सुद्धप्पावेसाइं मंगलाइंवत्थाई पवरपरिहिते अप्पमहग्धाभरणालंकियसरीरे जिमियभुत्तुरागए यि य णं समाणे पुव्वावरण्ह कालसमयंसि गंधव्वेहिं णाडएहिं उवनचिजमाणे उवगाइजमाणे उवलालिज्जमाणे इठे सद्दफ रिसरसरूवगंधे पंचविहे माणुस्सए कामभोगे पचणुब्भवमाणे विहरति / तेणं कालेणं तेणं समएणं पासावचिजे * केसी णामं कु मारसमणे जाइसंपण्णे कुलसंपण्णे बलसंपण्णे रूवसंपण्णे विणयसंपण्णे झाणसंपण्णे दंसणसंपण्णे चरित्तसंपण्णे लज्जासंपण्णे लाघवसंपण्णे ओयंसी तेयंसी वचंसी जसंसी जियकोहे जियमाणे जियमाए जियलोभे जियणिद्वे जितिदिए जियपरीसहे जीविया समरणभयविप्पमुक्के तवप्पहाणे गुणप्पहाणे करणप्पहाणे चरित्तप्पहाणे णिग्गहप्पहाणे णिच्छयप्पहाणे अज्जवप्पहाणे मद्दवप्पहाणे लाघवप्पहाणे संतिप्पहाणे मुत्तिप्पहाणे विज्ञप्पहाणे मंतप्पहाणे बंभप्पहाणे वेदप्पहाणे णयप्पहाणे णिगम्प्पहाणे सचप्पहाणे (मोयप्पहाणे) सोयप्पहाणे नाणप्पहाणे दंसणप्पहाणे चारित्तप्पहाणे चउद्दसपुव्वी चउणाणोवगए पंचहिं अणगारसएहिं सद्धिं संपरिवुडे पुव्वाणुपुट्विं चरमाणे गामाणुगामं दूइज्जमाणे सुहं सुहेणं विहरमाणे जेणेव सावत्थी णगरी जेणेव कोट्ठए चेइए तेणेव उवागच्छइ, उवागच्छइत्ता सावत्थीए णगरीए बहिया कोट्ठए चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरति। तएणं सावत्थीए णगरीए सिंघाडगतियचउक्कचच्चरचउम्मुहमहापहेसु महया जणसद्देइ वाजणकलकलेइ वा जाव परिसा पजुवासति। तते णं तस्स चित्तसारहिस्स महाजणसदं च जणकलकलंच सुणेत्ता पासेत्ता इमेयारूवे अब्भत्थिए जाव समुप्पज्जित्या-किं णं अज्ज सावत्थीएणयरीए इंदमहेइवा खंदमहेइ वा एवं रुद्दमहेइ वा मउंदमहेइ वा वेसमणमहेइ वा णागमहेइ वा भूयमहेइ वा जक्खमहेइ वा थूभमहेइ वा चेइयमहेइ वा रुक्खमहेइ वा गिरिमहेइ वा दरिमहेइ वा अवडमहेइ वा णदीमहेइ वा सागरमहेइ वा जेण इमे बहवे उग्गा उग्गपुत्ता भोगा राइण्णा खत्तिया इक्खागुकारव ०जाव इन्भा इन्भपुत्ता ण्हाया कयवलिकम्मा जहोववाइए तहेव अप्पेगइया हयगया जाव अप्पेगइया पादचारविहारेणं महया वंदा वंदएहि णिग्गच्छंति, एवं संपेहेइ, संपेहेइत्ता कंघुइपुरिसं सद्दावेइ, सद्दावेइत्ता एवं बयासी-किं णं देवाणुप्पिया ! अज्ज सावत्थीए णयरीए इंदमहेइ वा० जाव सागरमहेइ वा जेणं इमे बहवे उग्गा० णिग्गच्छंति? तते णं से कंचइपुरिसे केसिस्स कुमारसमणस्स आगमणोगहियं विणच्छियंति चित्तं सारहिं करयलपरिग्गहियं जाव बद्धावेत्ता एवं बयासीणो खलु देवाणु प्पिया ! अज्ज सावत्थीए णगरीए इंद महेइ वा जाव सागरमहेइ वा, जे णं इमे बहवे जाव वंदा वंदएहिं णिग्गच्छंति, एवं खलु देवाणुप्पिया! पासावचिजे के सी णामं कुमारसमणे जातिसंपण्णे जाव दूइज्जमाणे इहमागते०जाव विहरइ। तेणं अज्ज सावत्थीए बहवे उग्गा जाव इन्भा इन्भपुत्ता अप्पेगइया वंदणवत्तियाए जाव महया वंदा वंदएहिं णिग्गच्छति। तते णं से चित्ते सारही कंचुइपुरिसस्स अंतिए एयमढे सोच्चा णिसम्म हट्टतुट्ठ ०जाव हियए कोडुं बियपुरिसे सद्दावेइ, सद्दावे इत्ता एवं बयासी खिप्पामेव भो देवाणुप्पिया ! चाउग्घंटं आसरहं जुत्तामेव