Abhidhan Rajendra Kosh Part 01

SR No.: 016143
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1078
Language: Hindi
Classification: Dictionary

Page 564

अणुण्णा 380- अभियानराजेन्द्रः - भाग 1 अणुण्णा कंसं वा दूसं वा मणिमुत्तियसंखसिलप्पवालरत्तरयणमाइयं संतसारसावइजं अणुजाणिज्जा / से तं अचित्ता कुप्पावणिया दव्वाणुण्णा / से किं तं मीसिया ? मीसिया, से जहा नामए आयरिएइ वा उवज्झाएइ वा कस्सइ कम्मि कारणे तुट्टे समाणे हत्थिं वा मुहभंडगमंडियं वा आसं वा घासगं वा चामरमंडियं वा, सकंडियं वा दासं वा दासिं वा सव्वालंकारविभूसियं अणुजाणिज्जा, से तं मीसिया कुप्पावणिया दव्वाणु-ण्णा। से तं कुप्पावणिया दव्वाणुण्णा। से किं तं लोउत्तरिया दव्वाणुण्णा ? लोउत्तरिया दव्वाणुण्णा तिविहा पण्णत्ता। तं जहा-सचित्ता अचित्ता मीसिया। से किं तं सच्चित्ता? सचित्ता, से जहानामए आयरिएइ वा उवज्झाएइ वा पव्वत्तएइ वा थेरेइ वा गणीइ वा गणहरेइ वा गणावच्छेयएइ वा सीसस्स वासीस्सिणीएइ वा कम्मि कारणे तुडे समाणे सीसंवा सिस्सिणीयं वा अणुजाणिज्जा, से तं सच्चित्ता / से किं तं अचित्ता? अचित्ता, से जहा नामए आयरिएइ वा उवज्झाएइ वा पव्वत्तएइ वा थेरेइ वा गणीइ वा गणहरेइ वा गणावच्छेइए वा सीसस्स वा सिस्सिणीए वा कम्मि य कारणे तुढे समाणे वत्थं वा पायं वा पडिग्गहं वा कंबलं वा पायपुच्छणं वा अणुजाणिज्जा। से तं अचित्ता / से किं तं मीसिया ? मीसिया से जहा नामए आयरिएइ वा उवज्झाएइ वा पवत्तएइ वाथेरे वा गणावच्छेइएइ वा सिस्सस्स वा सिस्सिणीए वा कम्मि कारणे तुटे समाणे सिस्सं वा सिस्सिणीयं वा सभंडमत्तोवगरं अणुजाणिज्जा, से तं मीसिया। से तं लोगोत्तरिया।से तंजाणगसरीरभवियसरीरवइरित्ता दव्वाणुण्णा / से तं नोआगमओ दव्वाणुण्णा / से तं दुव्वाणुण्णा। से किं तं खेत्ताणुन्ना? खेत्ताणुन्ना जो णं जस्स खेत्तं अणुजाणइ जत्तियं वा खेत्तं, जम्मि वा खेत्ते / से तं खेत्ताणुण्णा / से किं तं कालाणुण्णा ? कालाणुण्णा , जो णं जस्स कालं अणुजाणइ, जत्तिया वा कालं अणुजाणइ, जम्मि वा काले अणुजाणइ, तं तीतं पडुप्पन्नं वा अणागतं वा वसंतहेमंतपाउसं वा अवत्थणहेउं / से तं कालाणुण्णा / से किं तं भावाणुण्णा ? भावाणुण्णा तिविहा पण्णत्ता / तं जहा- लोइया, कुप्पावणिया, लोगुत्तरिया / से किं तं लोइया भावाणुण्णा ? से जहा नामए रायाइ वा जुवरायाइ वा जाव रुढे समाणे कस्सइ कोहाइभावं अणुजाणिज्जा / सेतं लोइया भावाणुण्णा।से किं तं कुप्पावणिया भावाणुण्णा ? कुप्पावणिया, से जहा नामए केइ आयरिए वा० जाव कस्स वि कोहाइभावं अणुजाणिज्जा, से तं कुप्पावणिया। से किं तं लोगुत्तरिया भावाणुण्णा ? लोगुत्तरिया भावाणुना, से जहा नामए आयरिए वा० जाव कम्मि कारणे तुट्टे समाणे कालोचियं नाणाइगुणजोगिणो विणयस्स खमाइप्पहाणस्स सुसीलस्स सीसस्स तिविहेणं तिगरणविसुद्धेणं भावेणं आयारं वा सूयगडं वा ठाणं वा समवायं वा विवाहप्पण्णत्ती वा णायाधम्मकहा णं वा उवासगदसा उ वा अंतगडदसाउ वा अणुत्तरोववाइदसाउवा पण्हावागरणं वा विवागसुयं वा दिट्ठिवायं वा सव्व-दव्वगुणपज्जवेहिं सव्वाणुओगं वा अणुजाणिज्जा, से तं लोगुत्तरिया भावाणुण्णा / अनु०।। किमणुण्ण कस्सऽणुण्णा, के वइ कालं पवित्तिआऽणुण्णा / आइगरपुरिमताले, पवत्तिया उसहसेणस्स ||1|| अणुण्ण 1 उणमणी 2 णमणी 3, नामणि : ठवणा 5 पभावो 6 यापभवण 7 पयर 8 तदुभयं , मञ्जाया 10, नाओ 11 मग्गो 12 कप्पो 13 य ॥२।संगह 14 संवर 15 निज्जर 16, ठिइकारणं१७ चेव जीय 18 वुढिपयं 16 / पय पवरं 20 चेव तहा, वीसमणुण्णाइँ नामाइं॥३॥ नं०॥ अणणुव्वइत्तऽणुण्णा 1, उण्णामि य जस्सियं वि उण्णमणी / गिहिसाधूहि णमिजति, तम्हा जा होति णमणि त्ति 3 / / सुतधम्मचरणधम्मो, णामयती जेण णामणी तम्हा / / ठविओ य आरियत्ते, जम्हा तो तेण ठवण त्ति 5 / / ठवितो गणाधिवत्ते, होति पभूतेण पभवो य 6 सव्वेसिंणामादीण होति पभवो पसूइ त्ति७।। एगट्ठा आयरिया-दीणं रूपं पभावित्ते। जेण विणा णो सिज्झति, तेण वियारो तु भिजति गणो से | तदुभयहियंति भण्णति, इह परलोगे य जेण हितं / / गणधरमेव वरेती, जम्हा जत्तेण होति मज्जादा 101 करणेज्जी कप्पोत्ति य, कप्पो गणकप्पकरणेणं 13|| णाणादिमोक्खमग्गो, सो तम्मि ठितो त्ति तो भवति मग्गो 12 / जम्हा तु णायकारी, णाओ वा एस तो णातो 11 / दव्वे भावे सग्गह, दव्वे आहारवत्थमादीहिं।। भावे णाणादीहिं, संगेण्हति संगहो तेणं१४ / दुविहेण संवरेणं, इंदियणोइंदिएसु जम्हा उ। अप्पाण गणं व तहा,संवरयति संवरो तम्हा 15 || गणवारणमगिलाए, कुणमाणे णिज्जरेति कम्माइं। अन्ने यणिज्जरावे, तम्हा तो णिज्जरा होति 16 / / वातेरिताणई इव, एक पमाणाण तरुणमादीणं / होत्ति थिरा वढतो, तरुव्व थिरकरणतेणं तु 17 // जम्हा तु अवोच्छित्ती, सो कुणती णाणचरणमादीणं / तम्हा खलु अच्छेदं, गुणप्पसिद्ध हवति णामं तु / / तित्थकरेहि कयमिणं, गणधारीणं तु तेहिं सीसाणं / तत्तो परंपरेणं, आयमिणं तेण जीयं तु 18 || वड्डइ य णाणचरणं, गणं तु तम्हा उ तेण वुढिपदं 16 / पद पवरं पहाणमत्तं, सव्वेसिं रायदेवाणं 20 //