Page Text
________________
કર્મયોગિની T વિધાબહેન શાહ
આ જગતમાં ઘણાં જીવો અવતાર ધારણ કરીને વિયોગને પ્રાપ્ત કરે છે. પણ તે જ ભવ્ય જીવને ધન્ય છે, જે જગતમાં પોતાની અમર કીર્તિ મૂકી જાય છે. આવી જ અધ્યાત્મ જગતમાં ઝગમગાતી જયોતિ સ્વરૂપ કર્મયોગિની કે જેમણે વયં પોતાનું સ્વરૂપ પ્રગટાવી વિશ્વમાં વિશ્વ-વાત્સલ્યના પવિત્ર પરમાણઓ ફેલાવ્યા છે એવી દિવ્ય વિભૂતિ બા. બ પૂજય મૃગાવતીજી મહાસતીજીના દેહવિલયથી ન પૂરાય એવી અસહ્ય ખોટ એકલા જૈન જગતને જ નહિ, પણ સમસ્ત વિશ્વના શાંતિપ્રિય સમાજોને પણ લાગશે. - પૂજય સ્વામીબા સમસ્ત જૈન જગતમાં એક અણમોલ નિસ્પ્રંથ સાધ્વીરત્ન હતાં. તેઓએ જૈન આગમોનો ઊંડો અભ્યાસ કરી, તેના સિદ્ધાંતોના રહસ્યોને હૃદયમાં ઉતારી, તેનો પ્રચાર અને પ્રસાર કર્યો. પૂજય મહાસતીમાં બહુમુખી આધ્યાત્મિક આરોહણ, ક્ષમાભાવ, સરળતા, ઋજુતા, આચારનિષ્ઠા અને શાસન પ્રતિ સમર્પણભાવનાં આશ્ચર્યજનક માત્રામાં દર્શન થતાં હતાં.
સહજાત્માનંદી પુજય મહાસતીજી શ્રમણ સંસ્કૃતિનાં સંરક્ષક અને સંવર્ધક હતાં. એમની વાણીમાં મધુરતા, આંખોમાં પ્યોર અને જીવનમાં કરણા ભરેલી પડી હતી. એમના વિચારોમાં વિશ્વ મંગલની ભાવના લહેરાતી હતી. એમનું ચિંતન, મનન સ્વંય માટે જ નહિ, પણ સર્વજન– હિતાયના લક્ષે હતું.
- એમના નિવૃત્તિયોગને ઊંડાણથી ધર્મક્રાંતિના પગલે પગલે પ્રવૃત્તિયોગની ક્રાંતિ રચવાના તેઓ ચેતનવંતા પ્રણેતા હતાં. એમનામાં પ્રગટેલ જ્ઞાનનો પ્રકાશ જગતને તેમ જ શાસનને અજવાળતો હતો. એમના વિચાર સંકીર્ણ કે સાંપ્રદાયિક નહોતા. એમનામાં પૂર્વગ્રહ, અહંતા, મિથ્યાભિમાન કે સ્વખ્યાતિની આકાંક્ષા નહોતાં. મહાન આત્મારૂપે સર્વ ધર્મો પ્રત્યે સમભાવ, સન્માન અને મૈત્રીભાવના અલૌકિક યોગનું મંગળ મિલન હતું. નિકટભવી પૂજય તારક સ્વામીબાનો આત્મા જીવનની અંતિમ પળ સુધી પોતાનો દેહ દર્દથી ઝૂલતો હોવા છતાં આત્મભાવને જરાય ભૂલતો ન હતો. દેહ દર્દને સહન કરતું હતું અને હૃદય પંચ પરમેષ્ઠિને વંદતું હતું. આમ મૃત્યુને પડકાર કરતાં કરતાં સંસારને જ્ઞાનતેજથી ઝળહળાવી સૌરાષ્ટ્રની સંતપ્રસૂતા ભૂમિ ઉપર જન્મેલી કર્મયોગિની પૂજય સતીજીનો મહાદીપક મૃત્યુને મહોત્સવ બનાવી આંતરચક્ષુને ઉજમાળ કરી ચર્મચક્ષુઓ સામેથી સદા સદાને માટે અનંતમાં વિલીન થઇ ગયો છે. ખરેખર આ મહાન આત્માએ જેટલું જીવનથી સમજાવ્યું છે એનાથીય અધિક મૃત્યુથી સમજાયું છે. તેઓ વિશ્વશાંતિનો વડલો અને શાસનની ધ્રુવતારિકા હતાં. પોતાની કુલ ૬૦ વર્ષની આયુમાં એમણે ૪૮ વર્ષની સમજજવલ દીક્ષા પર્યાયની સાધના સાધી. જેમને સરસ્વતી માતા એટલે કે જિનવાણી પ્રસન્ન હતી એવી જ્ઞાનશકિત અને સ્મરણશકિતની સાક્ષાત્ મૂર્તિ સમાં તેઓ સ્વરૂપમાં લીન થઈ ગયાં. આવી મંગળમૂર્તિને શત શત કોટિ કોટિ વંદન કરું છું.
મારી પરમ કૃપાળુ પરમાત્માને નમ્ર પ્રાર્થના છે કે, આધ્યાત્મિક યોગિનીની પ્રેરણાથી ચાલતી વલ્લભ સ્મારક યોજના ઉપરાંત સર્વજન હિતાય પ્રવૃત્તિઓ અવિરત પ્રગતિ કરતી રહે. પૂજય સ્વામીબાએ સાકાર કરેલ સ્વપ્નાઓને સફળતાપૂર્વક વિશ્વ સમક્ષ રજૂ કરી તેઓશ્રીની સાચી યાદના હકદાર બનવા તેના નિષ્ઠાવાન કર્તવ્યપરાયણ અને નિઃસ્વાર્થ સંચાલકો, કાર્યકર્તાઓને અપૂર્વ બળ પ્રાપ્ત થાઓ એ મંગળ ભાવના દર્શાવું છું.
મહત્તરા ની મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |