Page Text
________________
દિવાળી પછી નવા વર્ષની સવારે મંગાવતીજી પોતાની શિષ્યાઓ સાથે પ્રભુદર્શન કરી રહ્યાં હતાં. એ સમયે હિમાચલ પ્રદેશના શિક્ષણમંત્રી શ્રી દોલતસિંહ ચૌહાણ દર્શનાર્થે પધાર્યા. ધર્મચર્ચા, શિક્ષણચર્ચા અને ભજન કીર્તનનો કાર્યક્રમ થયો. શિક્ષણમંત્રીએ મૃગાવતીજીના હિમાચલપ્રદેશ પધારવાના અને અહીં ધર્મ પ્રવૃત્તિ કરવાના પવિત્ર કાર્ય માટે ખૂબ પ્રસન્નતા વ્યક્ત કરી. હિમાચલ પ્રદેશના સૂમસામ નિર્જન જંગલમાં હવે લગાતાર આવનજાવન શરૂ થઈ ગઈ. એટલું જ નહિ, હિમાચલ પ્રદેશના બધા જૈન અવશેષો અને પ્રાચીન ઇતિહાસની સાચી રીતે શોધખોળ શરૂ થઈ ગઈ. ચાતુર્માસ પછી પણ વિહાર કરી દૂર ન જવા વિનંતી કરવામાં આવી. નૂતન જિનાલયનું ભૂમિપૂજન અને શિલાન્યાસ વખતે મૃગાવતીજી ઉપસ્થિત રહે એવી વિનંતી કરવામાં આવી. મહરાજજી રોકાઈ ગયાં. ધર્મશાળાના પ્રાંગણમાં રચાનારા નૂતન જિનાલયના ભૂમિપૂજન અને શિલાન્યાસ સમારોહમાં આચાર્યશ્રી વિજયેન્દ્રન્નિસૂરિજી મહરાજની નિશ્રામાં બટાલા નિવાસી ગુરુભક્ત પંજુ શાહ ધર્મચંદ પરિવારે ચતુર્વિધ સંઘ કાઢ્યો. ૧૭ સાધુ-સાધ્વી ભગવતો પણ એમાં જોડાયો હતો. ૧૦ ફેબ્રુઆરી ૧૯૭૯ના સવારના ૮.૧૫ કલાકે દાનવીર ગુરુ ભક્ત રાયસાહેબ રાજકુમારજીના હસ્તે કાંગડાના આ પ્રાચીન તીર્થમાં નૂતન જિનાલયનું ભૂમિપૂજન કરવામાં આવ્યું. બપોરે ૧૨.૪૦ કલાકે વિશાળ જનમેદનીના જય જયકાર વચ્ચે બાબુ રિખવદાસજીના હસ્તે શિલાન્યાસ સમારોહ સંપન્ન થયો. એમને “શ્રાવકરત્ન'ની ઉપાધિથી સન્માનિત કરવામાં આવ્યા. . હોળીના તહેવાર વખતે હિમાચલ પ્રદેશના મુખ્ય ન્યાયાધીશ શ્રી ટી. યુ. મહેતાની અધ્યક્ષતામાં હોળીનો ઉત્સવ ઉજવવામાં આવ્યો. પ્રા. ચન્દ્રવર્કર એ.પી.એ કાંગડા તીર્થના ઇતિહાસની શોધખોળ વિશે આકાશવાણી પર વાર્તાલાપ આપ્યો. ટૂંકમાં, આય મહત્તરાજીના દૃઢ સંકલ્પ, પુણ્ય પ્રતાપ, જપ-તપ અને સાચી આરાધનાના પ્રભાવથી વર્ષોથી બંધ પડેલ ઐતિહાસિક જૈન મંદિરોનો પુનરુધ્ધાર થયો. ભક્તોની સુવિધા માટે ધર્મશાળાનો વિકાસ થયો અને એક નૂતન જિનાલયનું નિમાર્ણ પણ થયું. મૃગાવતીજી આ મહાન કાર્યને જોઈ આચાર્યશ્રી ઈન્દ્રન્નિસૂરિજી મહારાજે એમને ‘મહત્તરા” અને “કાંગડા તીર્થોધ્ધારિકા'ના પદથી વિભૂષિત કર્યા.
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |