Page Text
________________
CO
પૂજય સાધ્વીજી મૃગાવતીશ્રીજીને અંતરની શ્રદ્ધાંજલિ
દીપચંદ એસ. ગાર્ડી
જૈન ભારતી મહત્તરા સાધ્વીજી મૃગાવતીશ્રીજી મહારાજને આમ તો હું ઘણાં વર્ષોથી જાણતો હતો. સને ૧૯૬૬માં શ્રી આત્માનંદ જૈન સભા-મુંબઈના રજત મહોત્સવ પ્રસંગે તેઓશ્રી મુંબઈ પધાર્યાં અને ઠેર ઠેર તેમનાં પ્રવચનો થયાં ત્યારે જ તેમની શક્તિનો સાચો પરિચય થયો.
ભાયખલામાં ચાતુર્માસ રહેલા અને તે સમયે મુંબઈમાં ગરીબ મને મધ્યમ વર્ગના કુટુંબોને માટે સસ્તા રહેઠાણો બનાવવા પ્રેરણા કરી હતી. અને મને ખ્યાલ છે તે મુજબ કાંદીવલીમાં જે મહાવીરનગર બનેલ છે, તે પૂજય સાધ્વીજી મૃગાવતીશ્રીજીની પ્રેરણાબળે થયેલ છે. શ્રી મહાવીર જૈન વિદ્યાલય, મુંબઈના સુવર્ણ મહોત્સવમાં પણ સાધ્વીજી ઉપસ્થિત રહેલા અને ફંડ એકત્ર કરાવવા માટે પ્રેરણાત્મક બળ પૂરું પાડેલ હતું.
ભગવાન મહાવીરનો વિશ્વવાત્સલ્યનો સંદેશો લઈને યુગવીર આચાર્ય શ્રી વિજયવલ્લભસૂરીશ્વરજી મહારાજના આદર્શો ને જન જન અને ઘર ઘર સુધી પહોંચાડવાનું કાર્ય મહત્તરાજીએ હજારો માઈલનો વિહાર કરીને મહત્તમ કામ કરેલ છે.
માતા ગુરુ પૂજય શીલવતીશ્રીજી મહારાજની સાથે ૧૨ વર્ષની ઉંમરે દીક્ષા લઇ પૂ. મૃગાવતીશ્રીજી મહારાજે નારીસમાજના ગૌરવની પ્રતિષ્ઠા કરી છે.
એમનીજ પ્રેરણાથી અને નિશ્રામાં યુગવીર આચાર્ય શ્રી વિજયવલ્લભસૂરીશ્વરજી, મ. ની પુણ્યસ્મૃતિમાં જૈનસમાજને ગૌરવ અપાવે તેવું ઐતિહાસિક ‘વલ્લભ સ્મારક’ મહાનગર દિલ્હીમાં બનેલ છે; તેના શિલાન્યાસ વિધિ પ્રસંગે તા. ૨૬-૧૧-૧૯૭૯ના અખિલ ભારતીય જૈન શ્વેતાંબર કોન્ફરન્સનું ૨૪મું અધિવેશન થયેલ ત્યારે સાધ્વીજી મૃગાવતીશ્રીજીની વ્યવહારકુશળતા, પ્રભાવશીલતા અને ભક્તિપરાયણતાનો મને વધુ પરિચય થયો.
હિમાચલ પ્રદેશમાં આવેલ કાંગડા જૈન તીર્થમાં સંવત ૨૦૩૪નું ચાતુર્માસ રહેલા અને આ તીર્થનો વહીવટ પુરાતત્ત્વ ખાતા પાસેથી જૈન સંઘને અપાવેલ છે, તે ઘટના જાણ્યા પછી મારું મસ્તક આ સાધ્વી રત્ન પ્રત્યે નમી પડે છે.
પૂજય આચાર્ય શ્રી વિજયવલ્લભસૂરીશ્વરજી મહારાજ તથા જિનશાસનરત્ન આચાર્ય શ્રી વિજયસમુદ્રસૂરીજી મહારાજ તેમજ ગચ્છાધિપતિ આચાર્ય શ્રી વિજયઈન્દ્રદિસૂરીજી મહારાજની ઉદારતા અને દીર્ઘદૃષ્ટિનો લાભ લઈને સાધ્વીજી મૃગાવતીશ્રીજીએ જૈનશાસનના શોભારૂપ કાર્યો કર્યાં છે.શુધ્ધ ખાદીમાં શોભતા સાધ્વીજીના દર્શનથી મેં પણ શાંતિનો અનુભવ કર્યો છે.
શુક્રવાર તા. ૧૮-૭-૧૯૮૬ ના સવારે પોતાના જીવન પટને સંકેલીને સદાને માટે વિદાય થયેલા પૂજયશ્રીના પુણ્યાત્માને અંતરની શ્રદ્ધાંજલિ આપી વંદના કરું છું.
મહત્તરા શ્રી મગાવતીથીજી
૩૩
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |