Page Text
________________
સંસ્થાઓ અને વિદ્યામંદિરોની સ્થાપના માટે પ્રેરણા આપી તે સદાય જીવંત રહે તેવું યોગદાન છે. માનવ માત્રના કલ્યાણ અને ઉત્કર્ષ માટે તેઓશ્રીએ પોતાનું જીવન સમર્પિત કર્યું હતું.સમાજહિતનાં કાળ, ભાવ અને ક્ષેત્ર અનુસાર યુગવીર આચાર્યશ્રીએ મહત્ત્વપૂર્ણ નિર્ણયો લઈ ધર્મ અને સમાજની યશપતાકા લહેરાવી છે. એમની યશોગાથા અમર રાખવા એક ભવ્ય વિવિધલક્ષી કલાત્મક સ્મારક ઊભું કરવાની જવાબદારી, ગુરુભક્તિ અને ગુરુઋણમુક્તિની નિર્મળ ભાવનાથી પ્રેરાઈ આ પ્રવૃત્તિ કાર્યાન્વિત કરવાનું કાર્ય પંજાબની શ્રી આત્માનંદ જૈન સભાએ સ્વીકારીને ઋણ ચૂકવવાની અપૂર્વ તક મળવાથી ધન્યતા અનુભવી હતી.
આચાર્ય ભગવંતના પટ્ટધર પ્રશાંત સ્વાભાવી આચાર્ય શ્રી વિજયસમુદ્રસૂરીશ્વરજી મહારાજે પોતાની દીર્ધદષ્ટિથી સમય પરિપકવ થયાનું જાણી લીધું અને આ કાર્ય પૂરું કરવાની જવાબદારી કોને સોંપવી તેનો નિર્ણય નવ વર્ષ પૂર્વે કરી લીધો હતો. વડોદરામાં પોતાના સમુદાયના સાધ્વી પૂજય શ્રી મૂગાવતીશ્રીજી મહારાજને આ કાર્યને સાકાર કરવા | વિ.સં. ૨૦૧૯નું ચાતુર્માસ દિલ્હીમાં કરવાનો આદેશ આપ્યો. ધન્યતા અને પૂરા ઉલ્લાસથી પોતાના ગુરુદેવની આજ્ઞાનો [.. સહર્ષ સ્વીકાર કરીને ઉનાળાનો વિહાર, ટૂંકો સમય વગેરેની મુશ્કેલીનો જરાય વિચાર કર્યા સિવાય તેઓ ત્યાં પહોંચી ગયાં અને સોંપવામાં આવેલી જવાબદારી પૂર્ણ કરવાના કાર્યમાં પૂરી એકાગ્રતાથી લાગી ગયાં. સ્મારકનું કાર્ય ઝડપી બને અને કાર્યકરોના ઉત્સાહમાં ભરતી આવે તે સ્મયક હેતુથી નિર્મીત ભૂમિ લેવાય તે માટે પૂજય મૃગાવતીશ્રીજી સતત પ્રેરણા આપતાં રહ્યાં. પરિણામે એક વર્ષમાં દિલ્હી-રૂપનગર જૈન મંદિરથી ગ્રાન્ડ ટૂંક રોડ જેવા ધોરી માર્ગ પર જમીન ખરીદવામાં આવી. આ વીસ એકર જમીન ઉપર થનાર સ્મારકભવનમાં યુગવીર આચાર્યશ્રીના ઉદાર અને લોકોપકારક જીવનને અનુરૂપ ધ્યાન, અધ્યયન-સંશોધન, જનસેવા જેવી અનેકવિધ પ્રવૃત્તિઓનું આયોજન થશે. સાથેસાથે કલાત્મક જિનપ્રાસાદ અને વિવિધલક્ષી સંસ્કારલક્ષી પ્રવૃત્તિઓના કેન્દ્રનું નિર્માણ થશે. ' .
પૂજય મગાવતીશ્રીજી મહારાજની વ્યવહારકુશળતા, પ્રભાવ અને ભક્તિપરાયણતાને લીધે આ કાર્ય માટે માતબર રકમ મળી રહી છે. નિર્માણ પંથે આગળ વધી રહેલા આ સ્મારક માટે પૂજય મૃગાવતીશ્રીજી મહારાજનાં શિષ્યરત્નો પૂજય સુવ્રતાથીજી, પૂજય સુયશાશ્રીજી અને પૂજય સુપ્રજ્ઞાશ્રીજી મહારાજ સતત પ્રયત્નશીલ છે. વલ્લભ સ્મારક યુવા પેઢીની આકાંક્ષાઓનું સાચું પ્રતીક બની રહેશે.
પૂજય મૃગાવતીશ્રીજી મહારાજ છેલ્લા ત્રણવાર મહિનાથી કહેતાં હતાં કે, “મારો બેગ બિસ્તર બાંધીને હું તૈયાર બેઠી છું. પૂજય આચાર્યશ્રી વિજયવલ્લભસૂરીશ્વરજીના શબ્દો વારંવાર કહેતાં હતાં, “મૃત્યુ માટે સદા તૈયાર રહો. તેનાથી ડરો નહિ, તથા તેની ઇચ્છા પણ ન કરો. મને મૃત્યુનો ભય લાગતો નથી. કાલે આવતું હોય તો આજે આવે અને આજે આવતું હોય તો અત્યારે આવે. હું હરહંમેશ ખુશ છું. મારું ધ્યાન પ્રભુના ચરણોમાં છે. મૃત્યુ તો જીવનની સચ્ચાઈ છે. જીવન મહોત્સવ હોય તો મૃત્યુ મહામહોત્સવ છે. કાયા જીર્ણ થઇ ગઇ છે, તે કયાં સુધી ચાલે? હું પંજાબ અને દિલ્હી સંઘની સેવાથી ઘણી ખુશ છું. તેમણે ગુરમહારાજની જે અનન્ય ભક્તિ કરી છે તેનાથી ઘણી પ્રસન્ન છું. હું મારા જીવનની સાધનાથી, મારા સાધ્વીજીઓની સેવાથી ઘણી પ્રસન્ન છું. આત્માનો સ્વભાવ આનંદમય છે. હું હરસમય આનંદમય રહું છું શરીર અસ્વસ્થ થઈ ગયું છે, પણ આત્મા તો સ્વસ્થ છે. મને આટલી તકલીફો થઈ પણ મને જરા પણ ખબર પડી નહિ કે મને આટલી પીડા થતી હશે. પ્રભુની મારા ઉપર મહેર છે. હું ચોથા આરાનો અનુભવ કરી રહી છું. મને ગ્વાસ લેવામાં તકલીફ થાય છે પણ તે જરા ઓછી થાય તો ફરી પાટ પર બેસીને એકાદ કલાક વ્યાખ્યાન આપી શકે. આખી રાત ઊંઘ ન આવે તો સૌને ચિંતા થતી હતી પણ હું તો એકાન્તમાં પ્રભુનું ધ્યાન ધરી શકી, આનાથી વધારે ખુશીની વાત કઈ હોઈ શકે? આખી રાત શત્રુંજય ગિરનાર, આબુ, સમેતશિખર, તારંગા વગેરેની યાત્રા માનસિક રૂપે કરતી રહી છું.'
મહત્તરા મી મુગાવતીમીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |