Page Text
________________
GO
'એમણે એ શ્રદ્ધાને પોતાના આચરણમાં સારી રીતે આત્મસાત કરી સફળતા પ્રાપ્ત કરી, જેના પ્રભાવથી તેઓ બધા લોકોના માર્ગદર્શક બની શક્યાં. વિશાળ દષ્ટિકોણથી એમણે દ્રવ્ય, ક્ષેત્ર, કાળ અને ભાવને અનુકૂળ જિનશાસનની પ્રભાવનાનાં કાર્યોમાં પોતાનું જીવન સમર્પિત કરી દીધું હતું.
મૃગાવતીજીની જ્ઞાનદષ્ટિ, ધર્મભાવના અને ચારિત્ર્ય સંપદાથી પ્રભાવિત થઈ આચાર્ય ભગવંત અને સમસ્ત સંધે એમને પદવી પ્રદાન કરવા પ્રયત્નો કર્યા અને એ માટે એમની અનુમતિ મેળવવા વારંવાર આગ્રહ કર્યો. પરંતુ એમણે સ્વીકૃતિ ન આપી અને એમ કહી વાત ટાળી દીધી કે, “મને પદવીઓથી ભારેખમ ન બનાવો. પદવીઓ સ્વીકારવા માટે હું મને પોતાને અસમર્થ સમજું છું. તમે મારા માટે એવી પ્રાર્થના કરી કે, હું ભવોભાવ આજીવન જિનશાસનની સેવા કરી શકે એવી શક્તિ મને મળો.”
છતાં પણ ગચ્છાધિપતિ પૂજય આચાર્ય શ્રી વિજયેન્દ્રદિસૂરિ મહારાજે વિ.સ. ૨૦૩૫માં કાંગડા પ્રાચીન મહાતીર્થની તળેટીની જૈન શ્વેતાંબર ધર્મશાળામાં મુગાવતીજીને કાંગડા તીર્થોદ્વારિકા અને મહત્તરા'ની પદવીથી અલંકૃત કર્યા. પોતાની ઇચ્છા ન હોવા છતાં પણ શાસનનાયક આચાર્યશ્રીની આજ્ઞાને શિરોમાન્ય કરી એમણે પદવી સ્વીકારી. ગુરુઆજ્ઞાને ના પાડી શકાય એમ હતું જ નહિ.
વિ.સં. ૨૦૦૯માં મૃગાવતીજીએ કલકત્તામાં ચાતુર્માસ કર્યું અને ત્યાં એક ધર્મ પરિષદમાં એમણે જૈન ધર્મનું પ્રતિનિધિત્વ કરી વિદ્વતાપૂર્ણ અને હૃદયસ્પર્શી પ્રવચન આપ્યું. એ પ્રવચનથી ઉપસ્થિત વિદ્વાનો ઘણા જ પ્રભાવિત થયા. યુગવીર આચાર્ય શ્રી વિજયવલ્લભસૂરિએ એમની જ્ઞાનપ્રૌઢતાને પિછાણી લઈ કલકત્તામાં સાધુવૃન્દની હાજરીમાં સંઘ સમક્ષ પ્રવચન આપવા અનુમતિ આપી. - આચાર્ય શ્રી વિજયવલ્લભસૂરિની આજ્ઞાથી એમણે પંજાબ તરફ વિહાર કર્યો. રસ્તામાં પાવાપુરી, સમેતશિખર, રાજગૃહી, ચંપાપુરી, ક્ષત્રિયકુંડ, ગુણિયાજી વગેરે તીર્થોની યાત્રા કરી. ૯00 કિલોમીટરનો પગપાળા વિહાર કરી તેઓ પંજાબ પધાર્યા અને અંબાલા શહેરમાં ચાતુર્માસ કર્યું.
પૂ. મૃગાવતીજી જે સ્થળે વિરાજમાન હોય ત્યાં એમને મળવા કોઈ વિદ્વાન આવે તો તે વિદ્વાનની વિદ્વતાનો લાભ સંઘને પણ મળે એ તેઓ ખાસ જોતાં.
- સન ૧૯૭૫માં મેરઠ પાસેના સરધના નગરમાં ચાતુર્માસ કર્યું ત્યારે ત્યાંના ઉપાશ્રય અને મંદિરના જીર્ણોદ્ધારના કાર્ય માટે એમણે પ્રેરણા આપી અને આબાલવૃદ્ધ સૌમાં ધર્મસિંચન કર્યું. ચાતુર્માસ દરમ્યાન સંઘ ઉપર ખર્ચનો બોજ ન પડે તે ખાસ લક્ષમાં રાખ્યું. હું એમના દર્શનાર્થે ત્યારે ત્યાં ગયો તો એક સપ્તાહ રોકાઇ જવા આગ્રહ કર્યો અને દિવસના પ્રવચનમાં બોલવા તથા રાતે જિજ્ઞાસુઓની શંકાઓનું સમાધાન કરવા કહ્યું. આ રીતે સંધમાં ધર્મભાવના વધે તે માટે તેઓ સદાય ઉત્સુક રહેતાં.
પૂ. મૃગાવતીજીએ પોતાની જાતને આચાર્ય વિજયવલ્લભસૂરીશ્વરજી મહારાજના ચરણકમલમાં સમર્પિત કરી દીધી હતી. મહત્તરાજી પણ ગુરુ મહારાજની જેમ નિવૃત્તિ અને પ્રવૃત્તિના સિદ્ધાંતોને લક્ષમાં રાખી સંઘ ઉત્થાનમાં લાગી ગયાં હતાં.
સંધમાં સંગઠન મજબૂત કરવા શ્રી આત્માનંદ જૈન મહાસભા (ઉત્તર ભારત)ના અધિવેશનનું એમણે આયોજન કરાવ્યું હતું.
દહેજપ્રથા, વિવાહ-લગ્નના નિરર્થક ખર્ચ, આડંબર વગેરે નકામા ખરચના નિવારણ માટે એમણે પ્રયત્નો કર્યા હતા. યુવક-યુવતીઓને દહેજ ન લેવા, ન દેવા માટે પ્રતિજ્ઞા લેવડાવી હતી. ધાર્મિક શિક્ષણ શિબિરોમાં મહિલાઓ, પુરુષો,
મહારા થી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |