Page Text
________________
એ ચરણોની સેવા ભવોભવ મળો
| Lપૂ સાધ્વી શ્રી સુયશાશ્રીજી
મહત્તરા સાધ્વીજી શ્રી મૂગાવતીજી મહારાજ પ્રભુ શંખેશ્વર પાર્શ્વનાથ અને ગુરુ આત્મવલ્લભના ચરણોમાં સર્વભાવથી સમર્પિત હતાં.
એમના જીવનમાં વિનયથી સમર્પણ, સમર્પણથી જ્ઞાન, જ્ઞાનથી સાધના, સાધનાથી તપ અને ચારિત્ર રૂપી અનેક ધારાઓ એક સાથે વહી પ્રભુના ચરણોમાં મળતી હતી.
આત્માનો અભ્યાસ, વિદ્યાનું અધ્યયન અને સમાજના દુ:ખદર્દનું ચિંતન તેઓ હમેશાં કર્યા કરતાં હતાં. આ ત્રણે ગુણ સંતના હૃદયમાં જોવા મળે છે.
પૂજય મહારાજજીએ જયારથી દીક્ષા લીધી તે દિવસથી આત્મારાધના અને શાસનપ્રભાવના જ એમના જીવનનું લક્ષ્ય બની ગયાં હતાં. વૃક્ષ જેમ ફળફૂલે છે તેમ તે વધુ ને વધુ નમતું જાય છે. મહારાજજીએ પણ જૈન આગમ, વેદ, રામાયણ, બાઇબલ, કુરાને શરીફ વગેરે ધર્મશાસ્ત્રોનો તલસ્પર્શી અભ્યાસ કર્યો હતો. જ્ઞાની હોવા છતાં જ્ઞાનનું ગુમાન એમને સ્પર્શી શકયું નહોતું.
એમનું બાહ્ય દર્શન નમતાના ગુણથી ઓજસ્વી અને આકર્ષક હતું. આંતરિક દર્શન જ્ઞાનની ગરિમા અને . આત્મસાધનાની ચરમ સીમાએ પહોંચેલું હતું.
એમનું અંતઃકરણ સ્ફટિક જેવું નિર્મળ હતું. તેઓ કહેતાં હતાં કે, હું પ્રભુચરણોમાં સર્વભાવથી સમર્પિત છું. પ્રભુ જ મને હાથ પકડીને ચલાવે છે, મારા પ્રભુ જે કંઈ કરે છે તે ઠીક કરે છે. મેં તો મારી નૌકા એમના હાથમાં સોંપી દીધી છે, તેઓ જ એને પાર ઉતારશે.”
આ સમર્પણભાવથી તેઓ પ્રત્યેક કાર્યમાં સિદ્ધિ મેળવતાં હતાં. એમની પાસે કેટકેટલા ભક્તજન સંભળાવતા હતા અને સુખી થઇને પાછા જતા હતા.
શ્રી અને સરસ્વતીની અસીમ કૃપા વરસતી હોવા છતાં નમ્રતા, સરળતા, સ્વાભાવિકતા અને માનવમાત્ર પ્રત્યે નિઃસ્વાર્થ પ્રેમની ભાવના જેવા એમના ગુણો બીજા માટે આદર્શ રૂપ હતા. પ્રાણીમાત્રનું મંગલ કરનાર મૈત્રીભાવના એમની રગેરગમાં વ્યાપ્ત હતી.
મહત્તરાજી ગુરુ વલ્લભનાં વફાદાર સિપાહી હતાં. એમણે ગુરુ વલ્લભની ભાવનાઓને પૂરી કરી. અસંભવિત કામો સંભવિત બનાવ્યાં. છતાં નામના અને કામનાથી જલકમલવતું નિર્મળ રહ્યાં. આ એમનો આંતરિક ગુણ હતો. પોતાના સ્નેહપૂર્ણ વ્યવહારથી તેઓ સૌને પોતાના બનાવી લેતાં હતાં.
તેઓ ગુણને જ પ્રથમ સ્થાન આપતાં હતાં, તેથી અમીર અને ગરીબ સૌ સરખું સન્માન પામતા હતા.
સેવા, સાધના, સમર્પણ અને સરળતા જેવા ઉચ્ચ ગુણોથી સાધ્વી શ્રી સુજયેષ્ઠાશ્રીજીએ એમના હૃદયમાં સ્થાન મેળવ્યું હતું.
એક તરફ ગુરુ વલ્લભનું એ ભવ્ય સ્મારક, એક તરફ ગુરુ વલ્લભને પગલે ચાલીને જે સ્થાન મહારાજીએ મેળવ્યું અને એ જ પવિત્ર ભૂમિ ઉપર સાધ્વી શ્રી સુજયેષ્ઠાશ્રીજીનું સમાધિસ્થાન બન્યું. જે એમની નિઃસ્વાર્થ સેવાના ફળરૂપ હતું.
કયાં ગુરુ વલ્લભ, કયાં સાધ્વી શ્રી મૃગાવતીજી મહારાજ અને કયાં સાધ્વી સુજયેષ્ઠાશ્રી મહારાજ!! આ સઘળું સાચી ગુરુભક્તિને આભારી છે!
મહારા શ્રી મૃગાવતીશ્રીજી
૧૫
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |