Page Text
________________
સ્ત્રીશકિતનું જીવનસૌન્દર્ય D પૂ. સાધ્વી શ્રી કારશ્રીજી
વિશ્વમાં દરેક જીવાત્મામાં અનંત શકિત ભરેલી છે. જીવ શકિતનો સદુપયોગ અથવા દુરુપયોગ કરે છે. જે પોતાની શકિતનો ઉપયોગ સમાજ, રાષ્ટ્ર કે અધ્યાત્મ માટે કરે છે તેનું નામ ઇતિહાસ અને જન સમુદાયમાં અમર થઇ જાય છે. મહાન થવા માટે જીવનમાંથી માન-અપમાનને હટાવવાં પડે છે. અનુકૂળતાને દૂર કરી પ્રતિકૂળતાને સહન કરનાર સન્માનપાત્ર બની શકે છે. સુકોમળ હોવા છતાં ગુલાબ કાંટા વચ્ચે વિકસે છે અને પોતાની સુવાસ દશે દિશાઓમાં પહોંચાડે છે, જનમનને આકર્ષિત કરે છે.
- પૂજય મહત્તરાજી માટે કોઇ પણ પ્રકારની અતિશયોકિત વગર કહી શકીએ કે એમનું જીવન નંદનવન જેવું હતું. વનની અંદર કયાંક કયાંક હિંસક પશુઓ અને ઝેરી જીવજંતુઓ જોવા મળે છે. પરંતુ નંદનવનમાં તો ચારે દિશાઓમાં કયાંય પણ ભયાનકતા કે વિષમતા જોવા નહિ મળે. પૂજય મહત્તરાજીના જીવનમાં કષાયોની કાલિમાં ન હતી, પરંતુ પ્રતિભા, નમ્રતા અને વાપિતાની લાલિમાં હતી. એમણે પોતાની વાણીથી અનેકના મનને શાતા પહોંચાડી હતી, કોઇનું મન દુભવ્યું ન હતું.
* સ્ત્રીશકિત એક અજોડ શકિત છે; સંસારની મહાન શકિત છે. આપણા ઇતિહાસમાં રાણી વિક્ટોરિયા અને રાણી એલિઝાબેથે અપૂર્વ રાજય કર્યું હતું, એ જ રીતે ધાર્મિક ઇતિહાસમાં યાકિની મહત્તા વગેરે સાધ્વીઓએ પણ જૈન સમાજ પર મહાન ઉપકાર કર્યો હતો. આજે એ પ્રમાણે મૃગાવતીજી મહારાજે પંજાબ કેસરી યુગવીર આચાર્ય શ્રી વિજયવલ્લભસૂરિ મહારાજના એક- એક વચનને જીવનમાં તાણાવાણાની જેમ વણી લઈને સમાજ પર ખૂબ ઉપકાર કર્યો છે. ' .
બડા બડાઈ ના કરે બલ ન બોલે બોલ,
હીરા મુખને ના કહે, લાખ હમારા મોલ. મહાન વિભૂતિ કદિ પોતાના મુખે સ્વપ્રશંસા ન કરે. એમનાં કાર્યો જ મહાનતા બતાવી દે. મૃગાવતીજીએ દિલ્હીમાં ગુરુના નામનો અમર ડંકો વગાડયો છે. . આપણે હમેશાં કાર્યના પરિણામને જોઇએ છીએ. પરંતુ ઊંડાણથી જોવા જઇએ તો ખ્યાલ આવે કે, એ કાર્યના પ્રારંભમાં કેવી મુશ્કેલીઓ પડી હોય છે. એ મુશ્કેલીઓનો સામનો સમતા, ધૈર્ય અને સાહસથી કરવામાં આવે તો જ અંતે સફળતા મળે છે. ' બાવળ વાવવામાં બહુ શ્રમ નથી પડતો અને એ આપોઆપ કાંટા આપે છે. આંબો વાવવામાં ખૂબ શ્રમ પડે છે અને લાંબે ગાળે તેના પર ફળ આવે છે. તેવી રીતે જ મગાવતીજીએ વલ્લભ સ્મારક માટે ભગીરથ પુરુષાર્થ કર્યો છે. એમણે પોતાની બધી શારીરિક અને માનસિક શકિતઓને એ કામે લગાડી હતી. જીવનના અંતિમ શ્વાસ સુધી કાર્ય પૂર્ણ કરવાની એમને અભિલાષા હતી. વલ્લભ સ્મારકને એ પ્રેરણા સદાય મળતી રહેશે.
એમના સંત આત્માને શાંતિ મળે. તેઓ જયાં હો ત્યાંથી આપણને પ્રેરણા મળતી રહે. સદ્ગત પૂજય સાધ્વીશ્રીને કોટિ કોટિ વંદન !
મહત્તરા શ્રી મગાવતીમીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |