Page Text
________________
તા. ૩૦- ૯- ૧૯૭૩ સાધ્વીશ્રી મૃગાવતીજી આદિ સમસ્ત સાદર વંદન, આ પત્ર સુંદરલાલજી મારફત લખું છું. તમારું ચોક્કસ ઠેકાણું માલુમ નથી. અને તમે દિલ્હી પહોંચ્યા છો કે નહિ? તે પણ જાણતો નથી. એટલે આ પત્ર વહેલો મોડો મળશે જ. તેનો જવાબ ઉપરના ઠેકાણે તમે તમારી અનુકૂળતાએ લખજો છતાં પહોંચ પૂરતુ કાર્ડ તો તબિયત સારી હોય તો તરતમાં લખી શકો. બધાં સાધ્વીજીઓ પ્રસન્ન હશે. વિહારમાં પહેલાં પગ દુ:ખતો હતો તેથી કાંઈ અડચણ આવી ? તમે વારંવાર કહેતા કે મારા કથન ઉપર ધ્યાન આપતા નથી. આ વખતે તમારા કથન ઉપર તમે ધ્યાન આપ્યું તેથી જ લખું છું. અહીં એક મારવાડી અંધ વિદ્યાર્થી ભણતો. તે મેટ્રિકમાં ૭૫ ટકા મેળવી પાસ થયો છે. સેન્ટ ઝેવીયર કૉલેજ અંગ્રેજી સાથે શીખી શકાય તેથી ત્યાં દાખલ થયો છે. અને સરકારી સ્કોલરશીપ મળશે તે એના ફી પેટે અને ત્યાંની હોસ્ટેલમાં રહે તો હોસ્ટેલના ચાર્જ પેટે કોલેજવાળા વંસુલ કરશે. પણ સવાલ એના ખાનપાનનો છે. ત્યાં ; બોર્ડીંગમાં મહિને લગભગ રૂ. ૭૦ ખર્ચ આવે છે. પણ મારો વિચાર એવો છે કે જો બંદોબસ્ત થઈ શકે તો મહિનાના રૂ. ૫૦ લેખે રૂા. ૬૦૦ મદદના આપવા. બાકીના ખૂટે તે એ પોતે પ્રયત્ન કરી મેળવી લે. અથવા બીજી કોઈ સાદી બોડીંગમાં રહે. જેથી આપપ્રયત્ન કરવાનો અવકાશ રહે. અને સાદગી પણ પોષાય. .. જયારે પણ આપને અનુકૂળ તક મળે ત્યારે એ વાર્ષિક રકમ રૂા. ૬૦૦ની એક સાથે અથવા કકડે કકડે મોકલાવી શકાય. એ ! રકમ રતિભાઇ પાસે રહેશે અને તે વિદ્યાર્થી દર મહિને કે બે મહિનાની સાથે લઇ આવશે. અત્યારે તો આ યોજના ચાલુ વર્ષ પૂરતી છે. આગળ ઉપર આવતી સાલ પરિસ્થિતિ જોઈ વિચાર કરાશે.
જયારે પણ આપની પાસે કોઈ દાતા આવે ત્યારે એની શકિત અને રુચિ જોઈ ગોઠવણ કરી શકો. પણ મન ઉપર ભાર વેઢારશો નહિ. જો સરલતાથી સગવડ થતી હોય તો જ ધ્યાન રાખવું, બધાં સાધ્વીઓની બરાબર સગવડ થાય એ પ્રથમ જોવું. તબિયત સંભાળ અને ભણે. જયારે કોઈ મદદ આપનાર નીકળે ત્યારે ઉપરના ઠેકાણે મારા નામે એ રકમ ઈન્સયોંડ કરીને મોકલે જેથી મને એ રકમ સીધી મળી જાય અને મોકલનારને તેમજ આપને પહોંચ લખીશ. અહીં મોતીબેન અને સશીલા આપ બધાને સાદર વંદન લખાવે છે. હું ઠીક છે. તમે ચોમાસામાં ગોઠવાવ અને બધી રીતે સ્વસ્થ બનો, ત્યારે અવારનવાર પત્ર લખી શકો. હમણાં તો વરસાદના અભાવે ખેતી સુકાય છે. અને માણસોના મન બહુ ચિંતિત છે. મેં જે પૈસાનું સૂચવ્યું તે માટે મનમાં ભાર ન રાખતા. જયારે અનુકૂળ તક મળે ત્યારે વિચારવું લિ. ૫. સુખલાલજી. અનેકાન્ત વિહાર, સરદાર પટેલ સ્ટેડિયમની સામે, પો. નવરંગ પુરા અમદાવાદ - ૯,
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |