________________
મહત્તરાજીના સ્વભાવની વિશેષતાઓ પૂ. સાધ્વી શ્રી સુપ્રશાશ્રીજી મહારાજ
♦ વિદ્વાનો, કલાકારો, સાહિત્યકારો, સંસ્કૃતજ્ઞોનું બહુમાન કરવું. વિદ્યાર્થીઓને ભણાવવું તથા અન્ય પ્રકારે સહાયતા આપવી. દીન, દુ:ખી, રોગી, અસહાયને મદદ કરવી.
♦ સદાય પ્રસન્ન રહેવું અને સદ્કાર્યોમાં મંડયા રહેવું. વાતો, ગપ્પાં કે મજાકમાં કોઇનો પણ સમય ન બગાડવો.
♦ અંધવિશ્વાસ, વહેમ, કુરિવાજોથી દૂર રહેવું. સંઘ અને સમાજને ખોટા ખરચમાં ન પડવા દેવો.
♦ પક્ષપાત ન કરતાં મધ્યસ્થ ભાવમાં રહેવું.
♦ દરેક કાર્યને ખરા દિલથી કરવું. હાથમાં લીધેલ કાર્ય પૂરું થાય ત્યારે જ છોડવું.
• ધર્મના ઊંડાણ સુધી જવું. સત્યનો પક્ષ લેવો.
♦ સામી વ્યક્તિના વિચારો, તર્ક અને વાતો સાંભળવાની ધીરજ રાખવી અને યોગ્ય સમાધાન કરવું. ♦ જરૂરિયાતો ઘટાડવી.
• તેજસ્વી જીવન વિતાવવું. તેજ ન ગુમાવવું. પ્રાણ દઇને પણ પ્રતિજ્ઞાનું પાલન કરવું.
♦ દવાઓને બદલે પ્રભુ પ્રાર્થના, લોકોની શુભકામનાઓ અને આશીર્વાદ ઉપર વધુ વિશ્વાસ રાખવો.
♦ કોઇની પણ એકદમ પ્રશંસા કે એકદમ નિંદા ન કરવી.
૦ જ્ઞાન, સફળતાઅને કીર્તિ હોવા છતાં પણ નિરાભિમાન વૃત્તિ, સરળતા, સમતા અને સ્વાભાવિક્તાના તાણાવાણાથી ગુંથાયેલું જીવન જીવવું.
૦ વ્યક્તિને તરત પારખી લેવી, શીધ્ર નિર્ણયશક્તિ, દ્દઢ સંકલ્પ શક્તિ, ઝિંદાદિલી અને આશાવાદી દ્દષ્ટિકોણ પ્રાપ્ત કરવા પ્રયત્નશીલ રહેવું.
♦ અસત્ય કે અન્યાયના પ્રતિકાર માટે પુણ્ય પ્રકોપ પણ બતાવવો પડે તો બતાવવો. અહિંસક · પ્રતિકાર માટે ગાંધીજીને સંભારવા.
• કોઇ પણ દેશ,પ્રાન્ત, જાતિ, લિંગ, વય કે સ્વભાવની વ્યક્તિ સામે આવે કે, ગુણના દરવાજેથી એના મનમાં પહોંચી જવું અને એને પોતાની બનાવી લેવી. બીજાઓ માટે સહિષ્ણુ બનવું અને તેમને પ્રેમ, સહૃદયતા અને આત્મીયતા
આપવાં.
૧૩૦
મહત્તરા શ્રી મૃગાવતીશ્રીજી
