Mahattara Shree Mrugavatishreeji

SR No.: 012083
Original Sutra Author: N/A
Author: Ramanlal C Shah and Others
Publisher: Vallabhsuri Smarak Nidhi
Publication Year: 1989
Total Pages: 198
Language: Gujarati, Hindi, Sanskrit
Classification: Smruti_Granth
File Size: 5 MB

Page 13

પ્રકાશકીય
પરમ પૂજય નવયુગપ્રવર્તક આચાર્યભગવંત શ્રી વિજયવલ્લભસૂરીશ્વરજી મહારાજે પોતાના વડા દાદાગુરુ, મહાન પ્રભાવક પૂજયપાદ આચાર્યદેવ શ્રી વિજયાનંદસૂરીશ્વરજી (શ્રી આત્મારામજી) મહારાજના અનન્ય સેવક અને સમર્થ પટ્ટધર તરીકે જૈન સંઘની ધર્મભાવનાને અને જૈન સમાજની શક્તિને ટકાવી રાખવા માટે જિંદગીના અંત સુધી જે અવિરત પુરુષાર્થ કર્યો હતો, તે વર્તમાન યુગના જૈન સંઘના ઇતિહાસમાં સોનેરી અક્ષરોથી અંક્તિ બની રહે એવો છે. તેઓશ્રીના આ ઉપકારોને જૈન સંઘ ક્યારેય વિસરી શકે એમ નથી.
સત્યમૂલક જ્ઞાનની તથા નિર્મળ ચારિત્રની આરાધના તેમ જ અનેકાંતદ્દષ્ટિની સાધના દ્વારા અંતરમાં જોગેલી ઉદાર તથા ગુણગ્રાહક દૃષ્ટિને લીધે તેઓશ્રીનું જીવન વિશેષ ઉપકારક બન્યું હતું. તેથી તેઓ કેવળ જૈન સંઘમાં જ નહિ, પણ જૈનેતર વર્ગમાં પણ એક ધર્મગુરુ તરીકે ખૂબ
આદર અને ભક્તિ મેળવી શક્યા હતા.
તેઓએ સમાજમાં જેમ ધાર્મિક જ્ઞાન સાથે વ્યાવહારિક શિક્ષણના પ્રસાર માટે માર્ગદર્શન આપ્યું હતું તેમ શાસ્ત્રબોધ માટે પણ પ્રયાસ કર્યો હતો, એટલું જ નહિ, જૈન સંસ્કૃતિનાં વિવિધ અંગોના અધ્યયન-અધ્યાપન તથા સંશોધન-પ્રકાશન માટે એક જૈન વિશ્વવિદ્યાલયની સ્થાપના કરવાના પણ મનોરથ સેવ્યા હતા, તે સુવિદિત છે.
આચાર્યભગવંતની આ ઝંખના તો આપણે પૂર્ણ ન કરી શક્યા અને હવે એ પૂર્ણ થઇ શકે એવા સંજોગો પણ બહુ જ ઓછા દેખાય છે. દરમ્યાનમાં જૈન-જૈનેતર જિજ્ઞાસુ વર્ગને જૈન સંસ્કૃતિના જુદાજુદા વિષયો-ધર્મ, તત્ત્વજ્ઞાન, સાહિત્ય, ઇતિહાસ, કળા વગેરે વિષયો સંબંધી યત્કિંચિત માહિતી આપી શકાય એ દ્દષ્ટિએ શક્ય તેટલું સાહિત્ય પ્રગટ કરવાના ઉદ્દેશથી, મુંબઇમાં ‘શ્રી વલ્લભસૂરિ સ્મારક નિધિ'ની વિક્રમ સંવત ૨૦૧૩માં સ્થાપના કરવામાં આવી હતી. અત્યાર સુધી નિધિ તરફથી ૧૩ પુસ્તકો પ્રગટ થયાં છે.
આ ગ્રંથમાળાના ૧૪મા પુસ્તકરૂપે આપણા પરમ ઉપકારી, પરમ પૂજય મહત્તરા શ્રી મૃગાવતીશ્રીજી મહારાજ વિશે ગ્રંથ પ્રગટ કરતાં અમને અત્યંત આનંદ થાય છે. વલ્લભ સ્મારક દિલ્હીમાં પ્રતિષ્ઠાનો શુભ અવસર આવી રહ્યો છે ત્યારે એ પ્રગટ થાય છે તે અમારે માટે સવિશેષ આનંદ અને ગૌરવની વાત છે.
મહત્તરા શ્રી મગાવતીશ્રીજી
CE